ടെലിവിഷൻ ഓഫ് ഓൾ സിസ്റ്റം ഓഫ് സർക്യൂട്ട്

 ടെലിവിഷൻ ഓഫ് 

ഓൾ സിസ്റ്റം ഓഫ് സർക്യൂട്ട്

 അജിത് കളമശേരി

 

കേരളത്തിൽ എന്തെങ്കിലും ഇലക്ട്രോണിക്സ് ഉൽപ്പന്നങ്ങൾ നിർമ്മിക്കാൻ ആലോചിക്കുന്ന സംരംഭകർ കുറച്ച് കാശുമെടുത്ത് ചാടിയിറങ്ങും ഒന്നുകിൽ LED ഉപയോഗിക്കുന്ന ബൾബോ, ട്യൂബോ അല്ലെങ്കിൽ ഇൻവെർട്ടർ, UPS, സ്റ്റെബിലൈസർ !

പുതിയ പുതിയ ആശയങ്ങൾ കണ്ടെത്തി വിപണിയിലെത്തിച്ചാൽ ചിലപ്പോൾ ക്ലിക്കാകും. ഇതാ ഒരു പുതിയ ഐഡിയ.

നമ്മളിൽ മിക്കവരും എഴുന്നേറ്റ് പോയി പവർ സ്വിച്ച് ഓഫ് ചെയ്യാനുള്ള മടി കൊണ്ട് നമ്മുടെ ടെലിവിഷൻ റിമോട്ടിൽ ഓഫ് ചെയ്യുകയാണ് പതിവ്. ഇങ്ങനെ ചെയ്താൽ പല പല ദൂഷ്യങ്ങളുമുണ്ട്. ഒന്നാമത് റിമോട്ടിൽ ഓഫ് ചെയ്താലും ടെലിവിഷൻ്റെ പവർ സപ്ലേ സ്റ്റാൻഡ് ബൈ മോഡിലും കുറച്ച് വൈദ്യുതി ഉപയോഗിക്കുന്നുണ്ട്.

കൂടാതെ ടെലിവിഷൻ ഓഫായാലും ഒപ്പം കണക്റ്റ് ചെയ്തിരിക്കുന്ന അനുബന്ധ ഉപകരണങ്ങളായ ഹോം തീയേറ്റർ, സൗണ്ട് ബാർ, സെറ്റ് ടോപ്പ് ബോക്സ് മുതലായവ ഓഫായിരിക്കില്ല. അവ തുടർന്നും വൈദ്യുതി ഉപയോഗിച്ചു കൊണ്ടിരിക്കും.

ഇങ്ങനെ നമ്മുടെ അശ്രദ്ധമൂലം ശ്രദ്ധയിൽ പെടാതെ ഓണായിരിക്കുന്ന ഉപകരണങ്ങൾ. ...ലൈനിൽ വല്ല തകരാർ മൂലമോ, അവിചാരിതമായ ഇടിമിന്നൽ ,സർജ് എന്നിവ മൂലവും അമിത വൈദ്യുതി പ്രവഹിച്ച് തകരാറിലാകാൻ സാദ്ധ്യത കൂടുതലാണ്.

ഈ പ്രശ്നങ്ങൾ ഒരു പരിധി വരെ പരിഹരിക്കാൻ ഈ സർക്യൂട്ടിന് കഴിയും.

നമ്മുടെ ടെലിവിഷനുകൾ എല്ലാം ഒന്നിലധികം USBപോർട്ടുകളുമായാണ് വരുന്നത്. ഈ സർക്യൂട്ടിൽ ഓപ്റ്റോ കപ്ളറിനോട് ചേർന്ന് വരുന്ന USB കേബിൾ TV യുടെ ഏതെങ്കിലും USB പോർട്ടിൽ കുത്തുക.

നിങ്ങളുടെ കൈവശമുള്ള സാധാരണ ഷോപ്പുകളിൽ ലഭിക്കുന്ന 4 പിൻ ടൈപ്പോ, 6 പിൻ ടൈപ്പോ ഏത് ഓപ്റ്റോ കപ്ളറും ഈ സർക്യൂട്ടിൽ ഉപയോഗിക്കാം. നമ്പർ നെറ്റിൽ അടിച്ച് നോക്കി ഇൻ്റേണൽ ഡയഗ്രം ഒന്ന് വെരിഫൈ ചെയ്യണം എന്ന് മാത്രം.

ഓട്ടോ പവർ ഓഫ് സർക്യൂട്ടിൻ്റെ ഔട്ട്പുട്ടിൽ കണക്റ്റ് ചെയ്തിരിക്കുന്ന പ്ലഗ് സോക്കറ്റുകളിൽ നിന്ന് വേണം TV ഉൾപ്പടെയുള്ള എല്ലാ ഉപകരണങ്ങൾക്കും വൈദ്യുതി നൽകേണ്ടത്.

ഇനി റിമോട്ട് കൊണ്ട് TV ഓഫ് ചെയ്താൽ ഏതാണ്ട് 2 മിനിറ്റിന് ശേഷം നമ്മുടെ ഈ ഉപകരണം വഴി കണക്റ്റ് ചെയ്ത എല്ലാ ഉപകരണങ്ങളുടെയും വൈദ്യുതി പൂർണ്ണമായും ഡിസ്കണക്റ്റ് ആകുന്നതാണ്.

C 1 എന്ന 1000 uf കപ്പാസിറ്ററാണ് ഈ 2 മിനിറ്റ് എന്ന ഡിലേ ടൈം തീരുമാനിക്കുന്നത്.ഇതിൻ്റെ വാല്യൂ ഉയർത്തിയാൽ ഡിലേ കൂട്ടാം. D1,D2 1N 4007

വളരെ സിമ്പിളായ ഈ സർക്യൂട്ട് പഴയൊരു set top ബോക്സിൻ്റെ 12 വോൾട്ട് SMPS പവർസപ്ലേ കൊടുത്താണ് ഞാൻ ഉപയോഗിക്കുന്നത്.

ഡബിൾ കോൺടാക്റ്റ് റിലേ ഉപയോഗിച്ചാൽ ന്യൂട്രലും ഫേസും ഒരേ സമയം കട്ടാകും.ഇത് കൂടുതൽ സുരക്ഷിതത്വം നൽകും.

ഈ സർക്യൂട്ടിൽ നിന്ന് നമ്മൾ TV യിൽ കുത്താൻ ഉപയോഗിക്കുന്ന USB കേബിളിൻ്റെ ഡാറ്റാ ലൈൻ ( വെളുപ്പും, പച്ചയും വയർ ) തമ്മിൽ ഒരു 56 ഓംസ് റസിസ്റ്റർ ഉപയോഗിച്ച് ഷോർട്ട് ചെയ്യണം.

TV ഓണായിരിക്കുമ്പോൾ എല്ലാ USB പോർട്ടിലും 5 Vപവർ ഉണ്ടാകും. ഈ പവർ ഓപ്റ്റോ കപ്ളർ ഡിറ്റക്റ്റ് ചെയ്ത് Q1 ട്രാൻസിസ്റ്ററിനെ കണ്ടക്റ്റ് ചെയ്യിച്ച് റിലേ ഓണാക്കും.

റിമോട്ടിൽ TV യുടെ പവർ ഓഫ് ചെയ്താൽ ഓപ്റ്റോ കപ്ളറിലേക്കുള്ള പവർ ഓഫാകും ഇതുമൂലം ഓപ്റ്റോയ്ക്കുള്ളിലെ ട്രാൻസിസ്റ്റർ ഓഫാവുകയും D1 വഴി പോസിറ്റീവ് വോൾട്ട് പുറത്തേക്ക് വരുന്നത് നിൽക്കുകയും ചെയ്യും.

തുടർന്ന് C 1 കപ്പാസിറ്ററിൽ സ്റ്റോറായിരിക്കുന്ന വൈദ്യുതി ലഭ്യമാകുന്ന അത്രയും സമയം മാത്രം Q1 ഓണായിരിക്കും. ശേഷം Q1 ഓഫായി റിലേ കട്ടാകും സർക്യൂട്ടിലെ പ്ലഗ്ഗ് സോക്കറ്റിൽ കണക്റ്റ് ചെയ്ത എല്ലാ ഉപകരണങ്ങളും പൂർണ്ണമായും ഓഫാകും.

ഇങ്ങനെ ഓഫായാൽ വീണ്ടും എല്ലാ ഉപകരണങ്ങളുടെയും പവർ ഓൺ ചെയ്യണമെങ്കിൽ സർക്യൂട്ടിലെ പുഷ് ബട്ടൺ ഓൺ ചെയ്യണം.

ഈ സർക്യൂട്ട് പ്രൊഡക്റ്റായി പുറത്തിറക്കണമെങ്കിൽ അൽപ്പം ചില കൂട്ടിച്ചേർക്കലുകൾ കൂടി വേണ്ടി വരും. #Ajith_kalamassery

സർജ് പ്രൊട്ടക്റ്റർ ഫ്രം സ്ക്രാപ്പ്

 സർജ് പ്രൊട്ടക്റ്റർ ഫ്രം സ്ക്രാപ്പ്

 അജിത് കളമശേരി

 

വീട്ടിൽ ഉപയോഗ ശൂന്യമായി കിടക്കുന്ന പഴയ LED ബൾബിൻ്റെ പവർ സപ്ലേ ഉപയോഗിച്ച് ഒരു സർജ് പ്രൊട്ടക്റ്റർ എങ്ങനെ നിർമ്മിക്കാം എന്ന് പഠിക്കാം.

ഇത് ഇലക്ട്രോണിക്സിൽ താൽപ്പര്യമുള്ള കുട്ടികൾക്കായുള്ള ഒരു ഹോബി സർക്യൂട്ടാണ് .വായിച്ച ശേഷം ഇതെന്ത് പറ്റിക്കലാണ് എന്ന് മുതിർന്നവർ പറയരുതേ!

ഫിലിപ്സ്, സിസ്ക, ഹാവെൽസ്, ഓശ്രം, ബജാജ്, വിപ്രോ, വാട്ട്സ്, എവറെഡി തുടങ്ങിയ പോലുള്ള കമ്പനികളുടെ LED കൾ മാത്രം പോയ ബൾബുകൾ വേണം സർജ് പ്രൊട്ടക്റ്റർ ഉണ്ടാക്കാനായി എടുക്കേണ്ടത്.

ഇവയുടെ പവർ സപ്ലേ ബോർഡുകൾ അങ്ങനെ തകരാറിലാകാറില്ല. LED യാണ് പോകാറുള്ളത്. വീട്ടിൽ ഇല്ലെങ്കിൽ അടുത്തുള്ള സ്ക്രാപ്പിൽ തപ്പിയാൽ മതി. 10 രൂപയൊക്കെ കൊടുത്താൽ മതിയാകും.

ചിത്രത്തിൽ കൊടുത്തിരിക്കുന്നത് സിസ്കയുടെ 12 വാട്ട് LED സർക്യൂട്ടാണ്. മിക്ക കമ്പനിയുടേയും സർക്യൂട്ട് ഇതൊക്കെത്തന്നെയായിരിക്കും.

LED ബൾബ് പൊളിച്ച് ബോർഡ് വെളിയിലെടുക്കാൻ ഒരു സിമ്പിൾ പരിപാടിയുണ്ട്. അദ്യം ഒരു തുണി ഉപയോഗിച്ച് ബലമായി പിടിച്ച് ബൾബിൻ്റെ ലൈറ്റ് ഡിഫ്യൂസർ (വെളുത്ത ഡൂം ) ഊരിമാറ്റുക .ലാമ്പ് ബോഡിയും - ഡിഫ്യൂസറും വിപരീത ദിശയിൽ പുറത്തേക്ക് വളച്ച് ഒടിക്കുന്നത് പോലെ അൽപ്പം ബലം പ്രയോഗിച്ച് തിരിച്ചാൽ മതി.. ക്ലിപ്പിൽ നിന്നും വിട്ട് പോരും.

LED ഹീറ്റ് സിങ്കിൽ ഫിറ്റ് ചെയ്ത സ്ക്രൂ ഊരുക. അതിന് ശേഷം സോൾഡറിങ്ങ് അയേൺ ഉപയോഗിച്ച് ബൾബിന് പുറകിലെ ഹോൾഡറിൽ മുട്ടുന്ന ഭാഗത്തെ ലെഡ് ഉരുക്കുക. വയറുകൾ വിട്ട് അവിടെ ചെറിയ രണ്ട് ഹോൾ വരും. ആ ഹോളിലൂടെ ഒരു വണ്ണം കുറഞ്ഞ് നീളമുള്ള കമ്പിയോ, സ്ക്രൂ ഡ്രെവറോ കടത്തി രണ്ട് മുട്ട് മുട്ടിയാൽ ഹീറ്റ് സിങ്കും,PCB യും സുരക്ഷിതമായി കേടുപാടുകളില്ലാതെ ഊരിയെടുക്കാം.

LED പോയ ബൾബുകൾ വേറേ LED ആ സ്ഥാനത്ത് മാറ്റിയിട്ട് വീണ്ടും ഉപയോഗിക്കാം. പോയ LED ഷോർട്ട് ചെയ്യുന്ന രീതി പ്രയോഗിച്ചാൽ അത് പിന്നെയും വേഗം ചീത്തയാകും.

LED മാറ്റുന്ന ടെക്നോളജി യൂട്യൂബിൽ ഇഷ്ടം പോലെയുണ്ട്. അത് വേറേ വിഷയം. ഇവിടെ നമ്മൾ സർജ് പ്രൊട്ടക്റ്റർ ഉണ്ടാക്കുകയാണല്ലോ.

ഊരിയെടുത്ത PCB ഒന്ന് ഇൻസ്പെക്റ്റ് ചെയ്ത് ഇവിടെ തന്നിരിക്കുന്ന സർക്യൂട്ടുമായി കമ്പയർ ചെയ്ത് സർജ് പ്രൊട്ടക്ഷൻ സൈഡ് കണ്ടു പിടിക്കുക.ആ ഭാഗം കരിഞ്ഞ് പുകഞ്ഞ് ഇരിക്കുന്നുവെങ്കിൽ ആ pcb നമ്മുടെ ആവശ്യത്തിന് പറ്റിയതല്ല. വേറെ ഒരെണ്ണം എടുക്കുക. കൂടുതൽ സർക്യൂട്ടുകൾ ആദ്യ കമൻ്റായി ചേർത്തിട്ടുണ്ട്.

ബ്രിഡ്ജ് റക്റ്റിഫയർ മോഡ്യൂളിന് തൊട്ട് മുന്നിൽ വച്ച് PCB track കട്ട് ചെയ്ത് AC ഔട്ട് പുറത്തേക്കെടുക്കാം.

ഇനി ഈ സർജ് പ്രൊട്ടക്റ്റർ നിങ്ങളുടെ ആവശ്യാനുസരണം BLDC ഫാനിനോ, LED TVക്കോ പവർ പോകുന്ന പ്ലഗ് സോക്കറ്റിൽ കണക്റ്റ് ചെയ്ത് അവയ്ക്ക് ഒരു അഡീഷണൽ സേഫ്റ്റി ഉറപ്പ് വരുത്താം.

ഒരു കാര്യം ശ്രദ്ധിക്കണേ LED ബൾബിൻ്റെ PCB യിൽ R1, R2 എന്നിവ 10 ഓംസ് 1 വാട്ട് അല്ല കിടക്കുന്നതെങ്കിൽ LED TV വർക്ക് ചെയ്യാനുള്ള ആമ്പിയർ അവ വിട്ടുകൊടുക്കില്ല. ചൂടായി പുകയും. അതിനാൽ അവ 10 E 1 W ആക്കി മാറ്റുക. അല്ലെങ്കിൽ ഈ സർജ് പ്രൊട്ടക്റ്റർ ഭാഗം മാത്രം ഒരു കോമൺ PCBയിൽ ചെയ്തെടുക്കുക.

LED ബൾബുകൾ റിപ്പയർ ചെയ്ത് നോക്കാൻ താൽപ്പര്യമുള്ളവർക്കായി ആദ്യ കമൻ്റായി 7 വാട്ട്, 9 വാട്ട് LED ബൾബ് സർക്യൂട്ടുകളും കൊടുത്തിട്ടുണ്ട്.

പഴയ കമ്പ്യൂട്ടർ SMPS ൽ നല്ല അടിപൊളി സർജ് പ്രൊട്ടക്റ്റർ ഉണ്ടാകും പക്ഷേ അവ എർത്ത് കണക്ഷൻ ഉണ്ടെങ്കിലേ ശരിയായി പ്രവർത്തിക്കൂ.#Ajith - kalamassery

നാലാം ക്ലാസും ഗുസ്തിയും പിന്നെ പ്രോട്ടോ ടൈപ്പും!

 

നാലാം ക്ലാസും ഗുസ്തിയും 

പിന്നെ പ്രോട്ടോ ടൈപ്പും!

 അജിത് കളമശേരി

 

നമ്മളിൽ ചിലരൊക്കെ പുതിയ പുതിയ ഇലക്ട്രോണിക്സ് പ്രൊഡക്റ്റുകൾ ഡിസൈൻ ചെയ്യാനും, നിലവിലുള്ളവയിൽ മാറ്റം വരുത്താനും അറിവുള്ളവരാണ്.

ഇത്തരക്കാർ എണ്ണത്തിൽ വളരെക്കുറവാണ് ,

കാരണം, മിക്കവർക്കും പൊടിക്കൈകൾ ധാരാളം വശമുണ്ടെങ്കിലും അവയൊക്കെ എടുത്ത് പ്രയോഗിച്ചാൽ ഇത് കാണുന്ന മറ്റുള്ളവർ തന്നെ കളിയാക്കിയാലോ എന്ന ഒരുൾ ഭയം ഭൂരിഭാഗം പേരെയും ഡിസൈൻ മോഡിഫിക്കേഷൻ രംഗത്ത് പ്രവർത്തിക്കാനോ, അറിയാവുന്ന കാര്യം മറ്റുള്ളവർക്ക് പറഞ്ഞു കൊടുക്കാനോ ധൈര്യമില്ലാതെ പിൻ വലിയാൻ പ്രേരിപ്പിക്കുന്നത്.

1980- 90 കളിലെ ഒരു കഥ പറയാം.

പണ്ടത്തെ ഫിലിപ്സ് റേഡിയോകൾ ഒന്ന് രണ്ട് വർഷം പഴയതായി കഴിയുമ്പോൾ പിന്നെ മഴക്കാലത്ത് മിണ്ടാട്ടം മുട്ടി നിന്ന് പോകും! അടുപ്പിൻ്റെ പാതിയാമ്പുറത്ത് കൊണ്ടുപോയി വച്ച് കുറച്ച് തീകായിച്ചാൽ അവൻ അതോ അവളോ പതിയെ പാടിത്തുടങ്ങും!

ചൂട് കാലാവസ്ഥയിൽ ഓസിലേറ്റർ കോയിലിൽ കൊടുത്തിരിക്കുന്ന വാക്സ് കോട്ടിങ്ങ് വേപ്പറൈസ് ചെയ്ത് നഷ്ടപ്പെട്ട് പോകും.

ഇങ്ങനെ കാലാന്തരത്തിൽ കോട്ടിങ്ങ് നഷ്ടപ്പെട്ടാൽ മഴക്കാലത്ത് റേഡിയോയുടെ മീഡിയം വേവ് പ്രവർത്തിക്കില്ല. ഓസിലേറ്റർ കോയിലിൽ തണുപ്പടിച്ച് ഓസിലേറ്റിങ്ങ് ഫ്രീക്വൻസി മാറിപ്പോകുന്നതാണ് കാരണം.

ഇത്തരം സെറ്റുകളെ റിപ്പയറിങ്ങിനായി സർവ്വീസ് സെൻ്ററിൽ എത്തിച്ചാൽ ചിലർ അന്ന് 17 രൂപ വിലവരുന്ന ഒറിജിനൽ ഫിലിപ്സ് ഓസിലേറ്റർ കോയിൽ മാറ്റിയിട്ട് നൽകും, അതിന് നല്ല ചാർജും ചെയ്യും.. പിന്നെയും 2 വർഷം കഴിഞ്ഞാൽ സംഗതി തഥൈവ !

നാലാം ക്ലാസും ഗുസ്തിയും കൈ മുതലായുള്ള പൊടിക്കൈ അറിയാവുന്ന നാടൻ മെക്കാനിക്ക് അന്ന് ഒന്നര രൂപ വിലയുള്ള റോസിയുടെ IFT പായ്ക്കറ്റിൽ നിന്ന് വെള്ള. lFT മാത്രം എടുത്ത് ഓസിലേറ്റർ കോയിലിന് പകരം മാറ്റിയിടും, ഒറിജിനലിൻ്റെ ചാർജും വാങ്ങും. (ഒരു പായ്ക്കറ്റിൽ വെള്ള, പച്ച, മഞ്ഞ എന്നിങ്ങനെ കളർകോഡുള്ള 3 ഇൻ്റർമീഡിയറ്റ് ഫ്രീക്വൻസി ട്രാൻൻസ്ഫോർമർ അഥവാ IFT ഉണ്ടാകും.)

പിന്നെ എന്തൊക്കെ പോയാലും ഈ മാറ്റിയിട്ട ഓസിലേറ്റർ കോയിൽ പോകില്ല. ( ഓ സോറി IFT ) പക്ഷേ വേറേയൊരു സർവ്വീസ് സെൻ്ററിൽ ഈ റേഡിയോ എത്തിയാൽ ഓസിലേറ്റർ കോയിലിന് പകരം IFT ഇട്ട മണ്ടൻ നാടൻ മെക്കാനിക്കിന് പിന്നെ തലയിൽ മുണ്ടിടാതെ നാട്ടിലിറങ്ങാൻ പറ്റാത്ത വിധം അവമതിപ്പും പുലഭ്യം പറച്ചിലും ആ ഒറിജിനൽ മെക്കാനിക്ക് നടത്തിയിരിക്കും.

ഇതു പോലെ സൂത്രപ്പണികൾ ഒന്നുമറിയാത്ത നേരേ വാ നേരേ പോ സ്വഭാവക്കാരായ ഒർജിനൽ മെക്കാനിക്കുകളും, ഡിസൈനർമാരുടെയും വംശം കുറ്റിയറ്റ് പോയിട്ടൊന്നുമില്ല. നമ്മുടെ ഇടയിലും ഇത്തരക്കാർ ഒറ്റയ്ക്കും തെറ്റയ്ക്കും പ്രാഞ്ചി പ്രാഞ്ചി നടക്കുന്നുണ്ട്.

അതിനാലാണ് നമ്മുടെ ഗ്രൂപ്പിൽ നല്ലത് ഉദ്ദേശിച്ച് ചോദിക്കുന്ന സംശയങ്ങൾക്ക് മറുപടിയായി സൂത്രപ്പണികൾ പലതുമുണ്ടെങ്കിലും അവ പരിഹരിക്കാൻ അറിയാവുന്ന പ്രായോഗിക പരിചയവും, അനുഭവപരിചയവും ധാരാളമുള്ള ഉടൻ കൊല്ലി മെക്കാനിക്കുകൾ മറുപടിയൊന്നും നൽകാത്തത്.

1980കളിൽ വ്യാപകമായി കാർ സ്റ്റീരിയോകളിൽ ഉപയോഗിച്ചിരുന്ന TDA 2030 എന്ന ഓഡിയോ ഐസിക്ക് പകരമായി TDA 2050, NTE 1380, LM 386 എന്നീ ഐസികൾ ഉപയോഗിക്കാമെന്ന വിവരം പോലുമറിയാതെ ലോകം മുഴുവൻ 2030 തപ്പി നടന്നിരുന്ന മെക്കാനിക്കുകൾ ഉള്ള കാലവും കടന്ന് പോയി. ഇൻ്റർനെറ്റ് ഇല്ലാതിരുന്ന അക്കാലത്ത് 2030ക്ക് പകരം 2050 ഇടാമെന്ന അറിവ് ആറ്റം ബോബിൻ്റെ രഹസ്യമായിരുന്നു!

ഇനി പ്രോട്ടോ ടൈപ്പിലേക്ക് വരാം.

പ്രോട്ടോ ടൈപ്പ് എന്ന് കേൾക്കാത്ത ഇലക്ട്രോണിക്സ് ഡിസൈനർമാരും, ഇനി കേട്ടിട്ടുണ്ടെങ്കിൽ തന്നെ സോൾഡറിങ്ങ് അയേൺ കൈ കൊണ്ട് തൊടാത്ത പ്രൊഡക്റ്റ് ഡവലപ്പർമാരും നമ്മുടെ ഇടയിൽ ധാരാളമുണ്ട്. കമ്പ്യൂട്ടറാണ് ഇവരുടെ പണിയായുധം.!

ഇലക്ട്രോണിക്സ് ഡിസൈൻ രംഗത്ത് നിങ്ങൾ മുന്നേറാൻ ആഗ്രഹിക്കുന്നു എങ്കിൽ ആദ്യം പഠിക്കേണ്ടത് പ്രോട്ടോ ടൈപ്പുകളെപ്പറ്റിയാണ്. എന്ത് സർക്യൂട്ട് കിട്ടിയാലും അതൊന്ന് നിർമ്മിച്ച് നോക്കുക. അപ്പോൾ ചില പോരായ്മകൾ ശ്രദ്ധയിൽ പെടും. അറിവുള്ളവരോട് ചോദിച്ച് അതൊന്ന് പരിഹരിക്കുക ഇതാ നിങ്ങളും ഡിസൈൻ രംഗത്തേക്ക് കാൽ വച്ചിരിക്കുന്നു. ഇങ്ങനെ കുറച്ച് പ്രോട്ടോ ടൈപ്പുകൾ സ്വന്തമായി ചെയ്യുമ്പോൾ നിങ്ങളും മറ്റുള്ളവരുടെ സംശയങ്ങൾ പരിഹരിക്കാൻ തക്ക അറിവുള്ള ഒരു ഡിസൈനറായി മാറിത്തുടങ്ങിയിരിക്കും. അല്ലാതെ ആർക്കും നിങ്ങളെ ഡിസൈനിങ്ങ് പഠിപ്പിക്കാനൊന്നും സാദ്ധ്യമല്ല. സ്വയം പഠിക്കണം.!

എന്താണ് ഈ പ്രോട്ടോ ടൈപ്പ്?

പ്രോട്ടോ ടൈപ്പ് എന്നാൽ ഒരു ഉൽപ്പന്നത്തിൻ്റെ ഡിസൈനറുടെ മേൽനോട്ടത്തിൽ അല്ലെങ്കിൽ ഡിസൈനർ തന്നെ നേരിട്ട് അസംബിൾ ചെയ്യുന്ന വർക്കിങ്ങ് മോഡലാണ് എന്ന് ഒറ്റ വാക്യത്തിൽ പറയാം.

പക്ഷേ ആദ്യ പ്രോട്ടോ ടൈപ്പിന് ആ ഉൽപ്പന്നത്തിൻ്റെ വിപണിയിൽ ഇറക്കാൻ പോകുന്ന മോഡലുമായി ചിലപ്പോൾ വിദൂര സാമ്യം മാത്രമേ ഉണ്ടാകൂ താനും!

ഏതൊരു ഉൽപ്പന്നവും വൻതോതിൽ നിർമ്മിച്ച് വിപണിയിൽ ഇറക്കുന്നതിന് മുൻപ് അതിൻ്റെ പ്രവർത്തന ക്ഷമതയും, ദീർഘകാലാടിസ്ഥാനത്തിൽ ഓരോ പാർട്ടിനും ഉണ്ടാകുന്ന തകരാറുകൾ, തേയ്മാനം, വോൾട്ടേജ് ആമ്പിയർ, താപനില എന്നിവ നിശ്ചിത പരിധിയിലും ഉയർന്നാലോ, താഴ്ന്നാലോ സംഭവിക്കാവുന്ന തകരാറുകൾ,വൈബ്രേഷൻ, പൊടി, അന്തരീക്ഷ മലിനീകരണം ,ഹ്യുമിഡിറ്റി, സൂര്യപ്രകാശം പോലുള്ളവ ഉൽപ്പന്നത്തിൽ ഏൽപ്പിക്കുന്ന ആഘാതം മൂലമുള്ള തകരാറുകൾ എന്നിവയെല്ലാം പ്രോട്ടോ ടൈപ്പുകൾ നിർമ്മിച്ച് പരീക്ഷിക്കുന്നതിലൂടെയാണ് പ്രൊഡക്റ്റ് ഡവലപ്പർമാർ കണ്ടെത്തുന്നത്.

അല്ലാതെ ചിലർ ചെയ്യുന്നത് പോലെ നേരിട്ട് കമ്പ്യൂട്ടറിൽ ഒരു സർക്യൂട്ട് ഡിസൈൻ ചെയ്ത് ,അത് സിമുലേറ്റ് ചെയ്ത് നോക്കി കമ്പ്യൂട്ടറിൽ പ്രവർത്തിക്കുന്നത് കണ്ടാൽ ഉടനെ തന്നെ PCB അടിച്ച് ഉൽപ്പന്നമുണ്ടാക്കി മാർക്കറ്റിലേക്ക് വിടുകയല്ല ശരിയായ രീതി.

ഏതൊരു ഇലക്ടോണിക് ഉൽപ്പന്നവും വിപണിയിലിറക്കും മുൻപ് അതിൻ്റെ തെറ്റുകുറ്റങ്ങൾ കണ്ടെത്താൻ പ്രോട്ടോ ടൈപ്പുകൾ നിർമ്മിച്ച് പരീക്ഷിക്കുന്നതിലൂടെ സാധിക്കും.

ഒരു പ്രൊഡക്റ്റ് ഡവലപ്പ്മെൻ്റ് സമയത്ത് പല വിധത്തിലുള്ള പ്രോട്ടോടൈപ്പുകൾ നിർമ്മിച്ച് പരീക്ഷിക്കേണ്ടി വരും.

അതിൽ ആദ്യത്തേത് . POC എന്ന ചുരുക്കപ്പേരിൽ വിളിക്കുന്ന പ്രൂഫ് ഓഫ് കൺസെപ്റ്റ് പ്രോട്ടോ ടൈപ്പാണ്. നമ്മളുടെ ആശയം പ്രായോഗികമാണോ അതോ മണ്ടത്തരമാണോ എന്ന് കൈവശമുള്ള പാർട്സുകൾ ഉപയോഗിച്ച് വലിയ ചിലവില്ലാതെ നിർമ്മിച്ച് പരീക്ഷിക്കുന്നതിനെയാണ് POC എന്ന് വിളിക്കുന്നത്.

ഇലക്ട്രോണിക്സ് കമ്പനികൾ POC ക്ക് വലിയ പ്രാധാന്യമാണ് നൽകുന്നത്.. ഡിസൈനറുടെ കൈ എത്തും ദൂരത്ത് നാട്ടിൽ ലഭ്യമാകുന്ന പാർട്സുകളുടെ വലിയ ശേഖരം POC ലാബിൽ കമ്പനികൾ ശേഖരിച്ചിരിക്കും.

POC പ്രോട്ടോ ടൈപ്പ് നിർമ്മിച്ച് ഐഡിയ കൊള്ളാമെന്ന് നാല് പേർ പറഞ്ഞാൽ അടുത്തതായി ആൽഫാ പ്രോട്ടോ ടൈപ്പ് നിർമ്മാണത്തിലേക്ക് കടക്കും.

വെരിഫൈഡ് യൂസേഴ്സിൻ്റെ ഫീഡ്ബാക്ക് ലഭിക്കുന്നതിനായി കമ്പനികൾ നിർമ്മിച്ച് നൽകുന്നതാണ് ആൽഫാ പ്രോട്ടോ ടൈപ്പുകൾ.

ഓഡിയോ രംഗത്തെ മുൻനിര കമ്പനികൾക്കായി പ്രൊഡക്റ്റുകൾ വെരിഫൈ ചെയ്ത് കേട്ട് വിലയിരുത്തി വേണ്ട മാറ്റങ്ങൾ നിർദ്ദേശിക്കുന്ന ചിലരെപ്പറ്റി ഞാൻ മുൻപ് എഴുതിയിട്ടുണ്ട്. ജീൻ ഹിരാഗ, നെൽസൺ,പാസ്, ApEx ൻ്റെ മൈൽ സ്ലോവാനിക്, ഇവരെല്ലാം ഈ ആൽഫാ ടെസ്റ്റിങ്ങ് രംഗത്തെ മുൻനിരക്കാരാണ്.

കേരളത്തിലും ചില ഓഡിയോ ഇലക്ട്രോണിക്സ് ആൽഫാ ടെസ്റ്റർമാരുണ്ട് എന്ന കാര്യം ഇത്തരുണത്തിൽ പരാമർശിക്കാതിരിക്കുന്നത് ശരിയല്ലല്ലോ. നമ്മുടെ ഗ്രൂപ്പ് അംഗങ്ങളായ ആദരണീയരായ ശ്രീ അച്ചുത വാര്യർ, ശ്രീ അജിത് കുമാർ തിരുവനന്തപുരം, ശ്രീ വറുഗീസ് തേവയ്ക്കൽ എന്നിവരാണവർ, ഇന്ത്യയിലെ പ്രഗത്ഭനായ മറ്റൊരു ഓഡിയോ ആൽഫാ ടെസ്റ്ററാണ് ശ്രീ വേദമിത്ര ശർമ്മ.

വെറുതെ ഓഡിയോ കേട്ട് വിലയിരുത്തുകയല്ല പോരായ്മകൾ പരിഹരിച്ച് കൊടുക്കുകയും ചെയ്യും എന്നതാണ് ആൽഫാ ടെസ്റ്റർമാരുടെ കഴിവ്.. ഇവരുടെ വരുമാനത്തിൻ്റെ നല്ലൊരു പങ്ക് ഇത്തരം ടെസ്റ്റിങ്ങ് രംഗത്ത് നിന്നാണ് വരുന്നത്.

ആൽഫാ കഴിഞ്ഞാൽ അടുത്ത ഘട്ടം ബീറ്റാ പ്രോട്ടോ ടൈപ്പാണ് .ഫൈനൽ പ്രൊഡക്റ്റിനോട് ഏകദേശം അടുത്ത വരുന്ന നിർമ്മാണ രീതിയും രൂപഘടനയുമായിരിക്കും ബീറ്റാ പ്രോട്ടോ ടൈപ്പിന്.

യഥാർത്ഥ സാഹചര്യങ്ങളിൽ ആ ഉൽപ്പന്നം എങ്ങനെയൊക്കെ പ്രതികരിക്കുന്നു, എന്തൊക്കെ തകരാറുകൾ വരുന്നുണ്ട് എന്ന് മനസിലാക്കാനായി ഈ ബീറ്റാ പ്രോട്ടോ ടൈപ്പുകൾ ആ ഉൽപ്പന്നം വിൽക്കാൻ ഉദ്ദേശിക്കുന്ന രാജ്യത്തിൻ്റെ എല്ലാ കാലാവസ്ഥാ മാറ്റങ്ങളും മനസിലാക്കാൻ ഉതകുന്ന വിധം പരിക്ഷിക്കുന്നു.

ഇന്ത്യൻ സാഹചര്യത്തിൽ ഇത് കടുത്ത മഞ്ഞുവീഴ്ചയുള്ള ലഡാക്ക്, കാശ്മീർ ഹിമാചൽ പ്രദേശുകളിലും, എക്സ്ട്രീം താപനിലയുള്ള രാജസ്ഥാനിലും, ഹ്യൂമിഡിറ്റിയും മഴയും കൂടിയ കേരളത്തിലും വരണ്ട കാലാവസ്ഥയുള്ള തമിഴ്നാട്ടിലും, പരീക്ഷിക്കപ്പെടുന്നു.നിശ്ചിത മണിക്കൂറുകൾ പ്രവർത്തിപ്പിച്ച് പരീക്ഷിച്ച ശേഷം ഈ ഉപകരണങ്ങൾ തിരികെയെടുത്ത് ലാബിൽ എത്തിച്ച് ഗുണ, ദോഷ പരിശോധനകൾ നടത്തി വിലയിരുത്തി ഫൈനൽ പ്രൊഡക്റ്റിൽ ആവശ്യമായ മാറ്റങ്ങൾ വരുത്തുന്നു.

വാഹനങ്ങളോട് അഭിനിവേശമുള്ളവർ ചില വാഹനങ്ങൾ ആകെ പൊതിഞ്ഞ് മൂടിയ നിലയിൽ റോഡിലൂടെ പോകുന്നത് അവിചാരിതമായി കണ്ടിട്ടുണ്ടാകും, എത് കമ്പനി, ഏത് ബ്രാൻഡ് എന്നൊന്നും മനസിലാകാതിരിക്കാനാണ് ആകെ മൂടിപ്പൊതിഞ്ഞ് ഇത്തരം ബീറ്റാ പ്രോട്ടോ ടൈപ്പ് വണ്ടികൾ റോഡ് ടെസ്റ്റ് നടത്തുന്നത്.

പ്രോട്ടോ ടൈപ്പുകൾ നിർമ്മിച്ച് പരീക്ഷിക്കുന്നതിലൂടെ പല വിധ നേട്ടങ്ങളാണ് കമ്പനികൾക്കുണ്ടാകുന്നത്.

ഏത് നാട്ടിൽ ഉപയോഗിക്കുമ്പോൾ എന്ത് തകരാറ് ഉൽപ്പന്നത്തിന് വരും എന്ന് മുൻകൂട്ടി മനസിലാക്കി ആ നാട്ടിലെ സർവ്വീസ് ടീമിന് പരിശീലനം നൽകാനും, സ്പെയറുകൾ കരുതി വയ്ക്കാനും സാധിക്കും ഇതുമൂലം കസ്റ്റമർ സാറ്റിസ് ഫാക്ഷൻ ഉയരും, ബ്രാൻഡ് വാല്യൂ കൂടും.

ശരിയായ ഫീഡ് ബാക്ക് ലഭിക്കുന്നത് മൂലം ഉൽപ്പന്നത്തിൻ്റെ വരും മോഡലുകളിൽ പുതിയ ഫീച്ചറുകൾ ചേർക്കാൻ സാധിക്കും.

 

 

 

ഡൈ മേക്കിങ്ങ് ,പ്രൊഡക്റ്റ് ക്യാബിനെറ്റ്, സ്പെയർ പാർട്സുകൾ ,പ്രൊഡക്റ്റ് ഫിനിഷിങ്ങ് ,വയറുകൾ, നോബുകൾ, സ്വിച്ചുകൾ, ഡയലുകൾ പോലുള്ളവയിൽ ഗുണമേൻമയുള്ള നിർമ്മാതാക്കളെ മുൻകൂട്ടി സോഴ്സ് ചെയ്യാം. ആവശ്യത്തിനനുസരിച്ച് മാത്രം വാങ്ങി ഇനിഷ്യൽ കോസ്റ്റ് കുറയ്ക്കാം.

തകരാറുകൾ വരാനുള്ള സാദ്ധ്യത കുറയ്ക്കാം..

വിദേശ കമ്പനികൾ പ്രോട്ടോ ടൈപ്പിങ്ങ് മേഘലയ്ക്ക് പ്രമുഖമായൊരു സ്ഥാനം നൽകുന്നുണ്ടെങ്കിലും, ഇന്ത്യൻ കമ്പനികൾ ഉപഭോക്താവിൻ്റെ തലയിൽ ബീറ്റാ ടെസ്റ്റിങ്ങ് പ്രോട്ടോ ടൈപ്പുകൾ ഫൈനൽ പ്രൊഡക്റ്റായി കെട്ടി വച്ച് അവരുടെ ചിലവിൽ പ്രൊഡക്റ്റ് ഡവലപ്പ്മെൻ്റ് നടത്തുന്ന രീതി കുറച്ച് കാലം മുൻപ് വരെ അനുവർത്തിച്ചിരുന്നു.

മാറിയ ഉപഭോക്തൃ സംസ്കാരം മൂലം വില കുറച്ച് കൂടിയാലും നല്ല ഉൽപ്പന്നങ്ങൾക്കും വിപണിയിൽ നല്ല ഡിമാൻഡ് വന്ന് തുടങ്ങിയതിനാൽ ഇന്ത്യൻ കമ്പനികളും പ്രോട്ടോ ടൈപ്പിങ്ങിന് പ്രാമുഖ്യം നൽകിത്തുടങ്ങി എന്നതിനാൽ ഗുണമേന്മയുള്ള ഉൽപ്പന്നങ്ങൾക്കായി കാത്തിരിക്കുന്ന.ഇന്ത്യൻ ഉപഭോക്താക്കൾക്കും താൽപ്പര്യമുള്ള വാർത്തയാണ്.

ചിത്രത്തിൽ കാണുന്നത് ഡോൾബി ലാബോറട്ടറീസിലെ റേ ഡോൾബി 1984 ൽ അസംബിൾ ചെയ്ത ഡോൾബി SR നോയ്സ് റിഡക്ഷൻ സർക്യൂട്ടിൻ്റെ ആൽഫാ പ്രോട്ടോ ടൈപ്പ് ബോർഡാണ്.ഇതിൻ്റെ ടെസ്റ്റിങ്ങിന് ശേഷം തുടർന്ന് ഡിസൈൻ ചെയ്ത ഡോൾബിയുടെ ബീറ്റാ പ്രോട്ടോ ടൈപ്പ്ചിത്രം താഴെ കൊടുക്കുന്നു.

 

 

 

 

 

ചെറിയ ചെറിയ ഐസികൾ മാറ്റി ബീറ്റാ പ്രോട്ടോ ടൈപ്പിൽ കസ്റ്റം മേഡ് ചിപ്പുകൾ ഉപയോഗിച്ചിരിക്കുന്നത് ശ്രദ്ധിച്ചാൽ മനസിലാകും.ഏതാണ് അമ്പതോളം പ്രോട്ടോ ടൈപ്പുകളാണ് ഫൈനൽ പ്രൊഡക്റ്റിലേക്ക് എത്തിച്ചേരുന്നതിന് മുൻപായി റേ ഡോൾബി അസംബിൾ ചെയ്തത്. എത്ര കോംപ്ലിക്കേറ്റഡ് സർക്യൂട്ടാണ് അദ്ദേഹം ചെയ്തതെന്ന് സൂം ചെയ്ത് നോക്കിയാൽ നമ്മൾ അത്ഭുതപ്പെട്ടു പോകും!

ലോകത്തിലെ ഏറ്റവും കോംപ്ലക്സ് ഇലക്ട്രോണിക്സ് പ്രോട്ടോ ടൈപ്പായി ഇത് കണക്കാക്കപ്പെടുന്നു. സാൻഫ്രാൻസിസ്ക്കോയിലെ എയർപോർട്ട് മ്യൂസിയത്തിൽ ഈ പ്രോട്ടോ ടൈപ്പുകൾ സൂക്ഷിച്ചിരിക്കുന്നു.

ഇത്രയും വലിയ ഡിസൈനറായ റേ ഡോൾബി കമ്പനി എന്തിനാണ് ഇങ്ങനെ പോട്ടോ ടൈപ്പ് ഉണ്ടാക്കി കഷ്ടപ്പെട്ടത്? നേരേ കമ്പ്യൂട്ടറൽ ഡിസൈൻ ചെയ്യുക, സിമുലേറ്റ് ചെയ്യുക ,PCB അടിക്കുക പ്രൊഡക്റ്റ് വിൽക്കുക അതല്ലേ ചെയ്യേണ്ടത്? മണ്ടൻ ഡോൾബി.!..#Ajith_kalamassery

ബോസിൻ്റെ കഥ

 

 ബോസിൻ്റെ കഥ

 അജിത് കളമശേരി.

 

 

സംഗീത പ്രേമികളെ ആദ്യ കേഴ് വിയിൽ തന്നെ അത്ഭുത പരതന്ത്രരാക്കുന്ന മ്യൂസിക് സിസ്റ്റങ്ങളാണ് ബോസിൻ്റെ നിർമ്മിതികൾ.

അത് ഇത്തിരി കുഞ്ഞൻ ബ്ലൂടൂത്ത് സ്പീക്കറിൻ്റെ രണ്ടിഞ്ച് വലിപ്പമുള്ള സ്പീക്കറിൽ പോലും ഒരു മുറി മുഴുവൻ കിടുങ്ങുന്ന ബേസും, പഞ്ചും ആദ്യമായി അനുഭവവേദ്യമാക്കിയത് ബോസാണ്.

250 രൂപയ്ക്ക് നാലിഞ്ച് വലിപ്പമുള്ള ചൈനാ സ്റ്റീരിയോ ബ്ലൂടൂത്ത് കിട്ടുമ്പോൾ അതിലും ചെറിയ ബോസിൻ്റെ സ്പീക്കറിന് രൂപാ എണ്ണായിരം കൊടുക്കണം..! അതും മോണോ.

വില കേട്ടാൽ തന്നെ സാധാരണക്കാരൻ ഇത് വാങ്ങാനുള്ള മോഹം ഉപേക്ഷിക്കും.

പക്ഷേ സംഗീതപ്രേമികളുടെ ബക്കറ്റ് ലിസ്റ്റിൽ ആദ്യ ഇനം തന്നെ ബോസായിരിക്കും.

ലോകം കീഴടക്കിയ ബോസ് കോർപ്പറേഷൻ എന്ന ഓഡിയോ കമ്പനിയുടെ ഇന്ത്യൻ വംശജനായ ഉടമയായ സംഗീതപ്രേമിയുടെ കഥ ചുരുക്കിപ്പറയാൻ ശ്രമിക്കുകയാണ്.

ഞാനെഴുതിയ മറ്റ് ഓട്ടോ ഫിക്ഷൻ സീരീസ് കഥകൾക്ക് നിങ്ങൾ നൽകിയ പിൻതുണ ഇതിനും പ്രതീക്ഷിക്കുന്നു.

1920 ൽ മഹാത്മാഗാന്ധി സ്വാതന്ത്ര്യ സമരത്തിൻ്റെ ഭാഗമായി ബ്രിട്ടീഷ് സർക്കാരിനെതിരേ നിസ്സഹകരണ പ്രസ്ഥാനം ആരംഭിച്ചു.

ഇതിൽ ആകൃഷ്ടനായ ഒരു 20 വയസുകാരൻ കൽക്കട്ടാ യൂണിവേഴ്സിറ്റി കോളേജ് വിദ്യാർത്ഥി; അതിൽ പങ്കെടുക്കുന്ന സമര ഭടൻമാർക്ക് വേണ്ടി കയ്യെഴുത്തു പോസ്റ്ററുകൾ എഴുതിക്കൊടുക്കുകയും തുടർന്ന് നടന്നിരുന്ന സമാധാനപരമായ സമരങ്ങളിലും, ജാഥകളിലും തുടർച്ചയായി പങ്കെടുക്കുകയും ചെയ്തു പോന്നു.

സമര വിളംബര പോസ്റ്ററുകൾ പ്രിൻ്റ് ചെയ്യുന്നത് കൽക്കട്ടാ പോലീസ് കർശനമായി വിലക്കിയിരുന്നതിനാൽ കയ്യെഴുത്തായാണ് സമര വിളംബര പോസ്റ്ററുകൾ അന്ന് തയ്യാറാക്കിയിരുന്നത്.

പോസ്റ്ററുകൾ മനോഹരമായി എഴുതിക്കൊടുക്കുന്ന കോളേജ് വിദ്യാർത്ഥിയെപ്പറ്റി പോലീസിന് വിവരം ലഭിച്ചു.

തൻ്റെ ഡിഗ്രി പരീക്ഷയ്ക്ക് ദിവസങ്ങൾ ബാക്കി നിൽക്കെ ആ വിദ്ധാർത്ഥിയെ കൊടും കുറ്റവാളിയെ പിടിക്കുന്നത് പോലെ വീട് വളഞ്ഞ് പോലീസ് അറസ്റ്റ് ചെയ്തു.

നോനി ഗോപാൽ ബോസ് എന്ന ആ ചെറുപ്പക്കാരനെ ബ്രിട്ടീഷ് കോടതി വിചാരണ തടവുകാരനായി ജയിലിലടച്ചു..

കോടതി ശിക്ഷ വിധിച്ചാൽ ആൻഡമാൻ നിക്കോബാറിലെ സെല്ലുലാർ ജയിലിലേക്കയക്കും അവിടെയെത്തിയാൽ പിന്നെ പുറം ലോകം കാണില്ല ക്രൂരമായ പീoനങ്ങളേറ്റ് മരിക്കുകയേയുള്ളൂ. അതിനാൽ എങ്ങനെയും രക്ഷപെടാൻ വിചാരണ തടവുകാരായ നോനി ഗോപാൽ ബോസക്കമുള്ള ചില ചെറുപ്പക്കാർ തീരുമാനിച്ചു.

വിചാരണയ്ക്കായി കോടതിയിലേക്ക് കൊണ്ടുപോയ ആദ്യ അവസരത്തിൽ തന്നെ നോനിയും സുഹൃത്തുക്കളും ഹൗറാ റയിൽവേ സ്റ്റേഷനിലെ തിരക്കിൽ അലിഞ്ഞു ചേർന്നു, പോലീസിൻ്റെ പിടിയിൽ നിന്നും രക്ഷപെട്ടു.

കൽക്കട്ടയിൽ നിന്നാൽ വീണ്ടും പിടിയിലാകുമെന്നറിയാവുന്നതിനാൽ അവർ കള്ളവണ്ടി കയറി മദ്രാസിലേക്ക് കടന്നു.

മദ്രാസിൽ നിന്നും അമേരിക്കയിലേക്ക് കയർ കയറ്റി വിടുന്ന ഒരു മലയാളി വ്യാപാരിയെ നോനി ബോസ് പരിചയപ്പെട്ടു. അദ്ദേഹം മുഖേന അമേരിക്കയിലേക്ക് ചരക്ക് കയറ്റിപ്പോകുന്ന ഒരു കപ്പലിൽ കയറി അവർ ഇന്ത്യ വിട്ടു.

കപ്പൽ കൂലിയും വഴിച്ചിലവിന് പൈസയും ഈ വ്യാപാരി നോനി ബോസിന് നൽകി. അമേരിക്കയിൽ എത്തിയാൽ തൻ്റെ കയർ ബിസിനസിന് കുറച്ച് ഓർഡറുകൾ പിടിച്ച് കൊടുത്താൽ മതിയെന്ന ഒറ്റ നിബന്ധനയിലാണ് കയർ വ്യാപാരി കാശു കൊടുത്ത് സഹായിച്ചത്.

അങ്ങനെ 1920 ൽ അമേരിക്കയിലെ എല്ലിസ് ഐലണ്ടിൽ നോനി ഗോപാൽ ബോസ് പാസ്പോർട്ടും വിസയുമൊന്നുമില്ലാതെ കപ്പലിറങ്ങി.

അവിടുത്തെ ഇന്ത്യൻ സമൂഹം സ്വാതന്ത്രസമരത്തിൽ പങ്കെടുത്ത് നാട് വിട്ടു വന്ന നോനി ബോസിനെ ആദരപൂർവ്വം സ്വീകരിച്ചു.

താരക് നാഥ് ദാസ് എന്ന ഇന്ത്യക്കാരൻ നോനി ബോസിന് ഫിലാഡൽഫിയ എന്ന നഗരത്തിൽ ഒരു റേഡിയോ റിപ്പയർ ഷോപ്പിൽ ഹെൽപ്പറായി ജോലി വാങ്ങി നൽകി.

അൽപ്പ വർഷങ്ങൾക്ക് ശേഷം അമേരിക്കയിൽ അലയടിച്ച സാമ്പത്തിക പ്രതിസന്ധിയെ തുടർന്ന് ബിസിനസ് ഇല്ലാതെ ഷോപ്പ് ഉടമ പൂട്ടാനൊരുങ്ങിയപ്പോൾ നോനി ബോസ് ആ റേഡിയോ റിപ്പയർ ഷോപ്പ് ഉടമയിൽ നിന്നും ഏറ്റെടുക്കുകയും അത് ഒരു ഇരുമ്പ് കടയായി മാറ്റുകയും ചെയ്തു.

തുടർന്ന് തനിക്ക് കപ്പൽ കൂലി തന്ന് സഹായിച്ച മലയാളി വ്യാപാരിയെ ബന്ധപ്പെട്ട് കേരളത്തിൽ നിന്നും അമേരിക്കയിലേക്ക് കയർ ഉൽപ്പന്നങ്ങൾ വരുത്തി വിൽപ്പന ആരംഭിക്കുകയും ചെയ്തു.

കൽക്കട്ടാ പോലീസിൻ്റെ പിടിയിൽ നിന്ന് രക്ഷപെട്ട് അമേരിക്കയിൽ എത്തി അൽപ്പ വർഷം കഴിഞ്ഞപ്പോൾ തന്നെ സ്ഥിരോൽസാഹിയായ നോനി ബോസ് അത്യാവശ്യം സാമ്പത്തിക ഭദ്രതയൊക്കെയുള്ള ഒരു വ്യാപാരിയായി മാറിയിരുന്നു.

ഇതിനിടെ ഷാർലെറ്റ് എന്ന അമേരിക്കക്കാരിയായ സ്കൂൾ ടീച്ചറെ കണ്ടിഷ്ടപ്പെട്ട് നോനി ബോസ് വിവാഹം ചെയ്തു.

നോനി ഗോപാൽ ബോസിൻ്റെയും, ഷാർലെറ്റിൻ്റെയും സീമന്തപുത്രനായി 1929 നവംബർ 2 ന് അമർ ഗോപാൽ ബോസ് ഭൂജാതനായി.

അമർ ബോസ് സ്കൂളിൽ പോകാൻ തുടങ്ങിയ കാലം മുതൽ സ്കൂൾ വിട്ടാൽ നേരേ അഛൻ്റെ ഹാർഡ് വെയർ ഷോപ്പിലേക്ക് നേരേ വരും.

അതിൻ്റെ പിന്നാമ്പുറത്ത് ഒരു മുറിയിൽ തൻ്റെ പിതാവ് ആദ്യം നടത്തിയിരുന്ന റേഡിയോ റിപ്പയർ ഷാപ്പിൻ്റെ സാമഗ്രികൾ കൂട്ടിയിട്ടിരുന്നു. അതിനിടയിലായി ബോസിൻ്റെ സ്ഥിര പെരുമാറ്റം.

അവിടെ കണ്ട വാൽവ് റേഡിയോകളും, സർക്യൂട്ട് ഡയഗ്രങ്ങളും പിതാവിൻ്റെ സഹായത്തോടെ മനസിലാക്കാൻ കുഞ്ഞ് അമർ ബോസ് ശ്രമമാരംഭിച്ചു.

മകൻ്റെ സാങ്കേതിക വാസന തിരിച്ചറിഞ്ഞ നോനു ബോസ് അവനെ നിരുൽസാഹപ്പെടുത്തിയില്ല.തനിക്കറിയാവുന്ന കാര്യങ്ങൾ അവന് പറഞ്ഞു കൊടുത്തു.

അധികം താമസിയാതെ അമർ ബോസ് വാൽവ് റേഡിയോകൾ അസംബിൾ ചെയ്യുന്നതിലും, പഴയവ നന്നാക്കുന്നതിലും ഒരു വിദഗ്ദനായി മാറി.സ്കൂൾ വിദ്യാഭ്യാസ കാലത്ത് തന്നെ നല്ല രീതിയിൽ സമ്പാദിക്കുന്ന വിധത്തിൽ അമർ ബോസ് വളർന്നു.

ഇതിനിടെ പിതാവിൻ്റെ ഹാർഡ് വെയർ ബിസിനസ് നഷ്ടത്തിലായി. വൻ കട ബാദ്ധ്യത നിമിത്തം കട പൂട്ടാൻ തീരുമാനിച്ചു.

ഇതറിഞ്ഞ ബോസ് അച്ഛൻ്റെ ഇരുമ്പ് കട ഒരു പൂർണ്ണ സമയ റേഡിയോ റിപ്പയർ ഷാപ്പായി മാറ്റി കുടുംബത്തിൻ്റെ സാമ്പത്തിക ഭദ്രത നിലനിറുത്തി,

ബോസിൻ്റെ ജോലിയിലുള്ള ആത്മാർപ്പണം മൂലം വർക്കുകൾ കുമിഞ്ഞ് കൂടി.

ഇത് മൂലം തിങ്കളാഴ്ചയും ശനിയാഴ്ചയും ബോസ് സ്കൂളിൽ പോക്ക് നിറുത്തി കടയിൽ തന്നെ കൂടി.

ആഴ്ചയിൽ 4 ദിവസമേ സ്കൂളിൽ വരുന്നുള്ളുവെങ്കിലും നന്നായി പഠിക്കുകയും കൃത്യമായി ഹോം വർക്കുകൾ തീർക്കുകയും ചെയ്യുന്ന ബോസിനെ അദ്ധ്യാപകർ നിരുൽസാഹപ്പെടുത്തിയില്ല.

പെനിസിൽവാനിയയിലെ അബിങ്ങ്ടൺ സീനിയർ ഹൈ സ്കൂൾ വിദ്യാഭ്യാസത്തിന് ശേഷം മസാച്ചുസെറ്റ്സ് ഇൻസ്റ്റിറ്റ്യൂട്ട് ഓഫ് ടെക്നോളജി ( MIT ) യിൽ നിന്ന് ഉന്നതനിലയിൽ ഇലക്ട്രിക്കൽ എഞ്ചിനീയറിങ്ങിൽ ഗ്രാജുവേഷനും, തുടർന്ന് Phd യും കരസ്ഥമാക്കി.

അന്ന് ഇലക്ട്രോണിക്സ് എന്ന പഠനശാഖ ഇലക്ട്രിക്കൽ എഞ്ചിനീയറിങ്ങിൻ്റെ ഭാഗമായിരുന്നു.

MIT യിൽ നിന്ന് ഡോക്ടറേറ്റ് കരസ്ഥമാക്കിയതിന് ശേഷം ഒരു വർഷം അമർ ബോസ് നെതർലാണ്ടിലെ ഫിലിപ്സ് കമ്പനിയിൽ ഡിസൈനറായി ജോലി നോക്കി.

പിന്നീട് ഒരു വർഷം അദ്ദേഹം തൻ്റെ പിതാവിൻ്റെ ജന്മനാടായ ഇന്ത്യയിൽ കറങ്ങി. അങ്ങിനെയിരിക്കെ ന്യൂ ഡൽഹിയിൽ വച്ച് അദ്ദേഹം തൻ്റെ ഭാവി വധുവായ പ്രേമയെ കണ്ടെത്തി വിവാഹം കഴിച്ചു.

വിണ്ടും അമേരിക്കയിൽ തിരിച്ചെത്തിയ അമർ ബോസ് താൻ പഠനം പൂർത്തിയാക്കിയ MIT യിൽ അസിസ്റ്റൻ്റ് പ്രൊഫസറായി ജോലിയിൽ പ്രവേശിച്ചു.

ഒരു ഹാർഡ് കോർ സംഗീതപ്രേമിയായ അമർ ബോസ് വയലിൽ വായനയിൽ അതി പ്രഗത്ഭനായിരുന്നു.

ഒഴിവ് സമയങ്ങളിൽ മുഴുവൻ തൻ്റെ ഹോബിയും ഒരു കാലത്ത് ജീവിതമാർഗ്ഗവുമായിരുന്ന ആംപ്ലിഫയറുകളോടും റേഡിയോ കളോടുമുള്ള പ്രണയം ഒഴിവാക്കിയില്ല.

അതു വരെ വിപണിയിൽ ലഭിച്ചിരുന്ന മറ്റ് കമ്പനികൾ നിർമ്മിച്ചിരുന്ന സ്പീക്കറുകളുടെയും സ്പീക്കർ എൻ ക്ലോഷറുകളുടെയും ക്വാളിറ്റിയിലും, പെർഫോമൻസിലും അമർ ബോസ് സംതൃപ്തനായിരുന്നില്ല.

അവ കൂടുതൽ മെച്ചപ്പെടുത്താനായി അമർ ബോസ് നിരന്തരം ശ്രമിച്ചുകൊണ്ടിരുന്നു.

ഇതിനിടയിൽ സ്പീക്കർ സംബന്ധമായും, സ്പീക്കർ എൻ ക്ലോഷർ സംബന്ധമായും നിരവധി പുതിയ കണ്ടുപിടുത്തങ്ങളും, പേറ്റൻ്റുകളും അമർ ബോസ് സ്വന്തമാക്കികൊണ്ടിരുന്നു.

ധാരാളം കമ്പനികൾ സമീപിച്ചെങ്കിലും തൻ്റെ പേറ്റെൻ്റുകൾ അദ്ദേഹം ആർക്കും കൈമാറിയില്ല.

1964ൽ തൻ്റെ 35 ആം വയസിൽ അദ്ദേഹം തൻ്റെ MIT ശിഷ്യനായ ഷെർവിൻ ഗ്രീൻ ബ്ലാറ്റിനെ കൂടെ കൂട്ടി ബോസ് കോർപ്പറേഷൻ എന്ന ലോകപ്രശസ്തമായ സ്ഥാപനത്തിന് തുടക്കം കുറിച്ചു.

BOSE 2201 എന്ന അർത്ഥ ഗോളാകൃതിയിലുള്ള സ്പീക്കർ ബോക്സുകളായിരുന്നു ബോസിൻ്റെ ആദ്യ ഉൽപ്പന്നം

ലോകത്തിലെ ആദ്യ ഡയറക്റ്റ് റിഫ്ലക്റ്റിങ്ങ് സ്പീക്കർ ബോക്സുകളായിരുന്നു അത്.

22 നാലിഞ്ച് സ്പീക്കറുകളും, 50 വാട്ട്സിൻ്റെ ആംപ്ലിഫയറുകളും ഉൾക്കൊള്ളിച്ചിരുന്ന ഒരോ ബോക്സുകളും ഹൈ എൻഡ് സംഗീത ലോകത്തിന് ആസ്വാദനത്തിൻ്റെ ഒരു പുതിയ ലോകം തുറന്നുകൊടുത്തു.

ഹോം ഓഡിയോക്ക് വേണ്ടി ഇൻബിൽറ്റ് ആംപ്ലിഫയറുകളുമായി ഇറങ്ങിയ ലോകത്തിലെ ആദ്യ സ്പീക്കർ സിസ്റ്റം അങ്ങനെ ബോസിൻ്റേതായി.

ലോ നോയ്സ് കോ ആക്സിയൽ കേബിൾ വഴി പ്രീ ആമ്പ് സിഗ്നൽ കൊടുത്താൽ കിടിലം സ്റ്റീരിയോ പെർഫോമൻസ് ബോസിൻ്റെ പ്രത്യേകതയായിരുന്നു.

മുറിയുടെ എല്ലാ വശത്തേക്കും തിരിഞ്ഞിരിക്കുന്ന മൾട്ടി ഡയറക്ഷണൽ സ്പീക്കറുകൾ ലോകത്തിലാദ്യമായി പുറത്തിറക്കിയത് ബോസാണ്.

Psycho acoustics സൈക്കോ അക്വാസ്റ്റിക്സ് എന്ന ഓഡിയോ ടെക്നോളജി ബേസ് ചെയ്താണ് ബോസ് ഉൽപ്പന്നങ്ങൾ പ്രവർത്തിക്കുന്നത്.ഇതിൽ ലോകത്തിലെ മുൻ നിര കമ്പനിയും ബോസ് തന്നെയാണ്.

ബോസ് സ്വന്തമായി നിർമ്മിക്കുന്ന സ്പീക്കറുകളുടെ രൂപഘടന മൂലം വെറും 2 ഇഞ്ച് സ്പീക്കറിൽ നിന്നും 8 ഇഞ്ച് സ്പീക്കറിൻ്റെ മുഴങ്ങുന്ന ശബ്ദം പുറപ്പെടുവിക്കും.

ഏറ്റവും ചെറുതിൽ നിന്നും ഏറ്റവും മുഴങ്ങുന്ന വ്യക്തമായ സംഗീതം എന്നതായിരുന്നു ബോസിൻ്റെ പോളിസി.

വാൽവ് ആംപ്ലിഫയറുകളുടെ ശബ്ദം ഇഷ്ടമല്ലായിരുന്ന അമർ ബോസ് തൻ്റെ എല്ലാ ഉൽപ്പന്നങ്ങളിലും ക്ലാസ് AB ട്രാൻസിസ്റ്റർ ആംപ്ലിഫയറുകളാണ് ഉപയോഗിച്ചിരുന്നത്.

ബോസിൻ്റെ ആദ്യകാല 50+ 50 സ്പീക്കർ സിസ്റ്റം അമേരിക്കൻ പാർലമെൻ്റ്, വൈറ്റ് ഹൗസ്, ഇന്ത്യൻ പാർലമെൻ്റ് രാഷ്ട്രപതി ഭവൻ, വത്തിക്കാനിലെ സെൻ്റ് പീറ്റേഴ്സ് ബസലിക്ക, മക്കയിലെ മസ്ജിദ് അൽ ഹറം എന്നിവിടങ്ങളിലെല്ലാം തുടക്കകാലത്ത് തന്നെ തൻ്റെ ശബ്ദഘോഷം മുഴക്കിത്തുടങ്ങി. ഇത് വൻ പേരും പെരുമയും കമ്പനിക്ക് സമ്മാനിച്ചു.

2201 ൻ്റെ വൻ വിജയത്തെ തുടർന്ന് Bose 901 എന്ന മോഡൽ 1968ൽ പുറത്തിറക്കി.

1978ൽ ലോകത്തിലെ ആദ്യ ആക്റ്റീവ് നോയ്സ് ക്യാൻസലിങ്ങ് ഹെഡ് ഫോൺ ബോസ് വിപണിയിലെത്തിച്ചു.

ബഹിരാകാശ യാത്രികരും, പൈലറ്റ് മാരും, എയർ ട്രാഫിക് കൺട്രോൾ ഉദ്യോഗസ്ഥരും പോലെ വൻ ശബ്ദകോലാഹലങ്ങൾക്കിടയിൽ ജോലി ചെയ്യുന്നവർ ബോസിൻ്റെ നോയ്സ് ക്യാൻസലിങ്ങ് ഹെഡ് ഫോണിൻ്റെ സ്ഥിരം ഉപഭോക്താക്കളായി മാറി.

പുറത്ത് നിന്നുള്ള നോയിസ് ഒരു മൈക്ക് വഴി പിടിച്ചെടുത്ത് അതിൻ്റെ വിപരീത ദിശയിലുള്ള ഫ്രീക്വൻസികൾ ഉത്പാദിപ്പിച്ച് അതിനെ നിശബ്ദമാക്കുന്ന ഭ്രാന്തൻ ടെക്നോളജി ബോസിൻ്റെ തലയിൽ നിന്നും വന്നതാണ്.

കൂളിങ്ങിനായി സ്പീക്കറിനുള്ളിൽ ഫെറോഫ്ലൂയിഡ് നിറയ്ക്കുന്ന ടെക്നോളജി കണ്ടു പിടിച്ചതും ബോസ് തന്നെ.

എത്ര മോശം പ്രക്ഷേപണത്തെയും കിടിലൻ പെർഫോമൻസിലേക്കുയർത്തുന്ന വേവ് ഗൈഡ് റേഡിയോ ടെക്നോളജിയും ബോസിൻ്റെ കണ്ടുപിടുത്തം തന്നെ.

ബൻസ്, ഫോർഡ്, പോഷേ, മസരാറ്റി, മെയ് ബാക്ക്,കാഡില്ലാക്ക്, റോൾസ് റോയിസ് എന്നിവയുടെയെല്ലാം ആഡംബര കാറുകൾക്ക് വേണ്ടിയും സവിശേഷമായി ട്യൂൺ ചെയ്യപ്പെട്ട ഡോറിൽ സ്പീക്കറുകൾ ഫിറ്റ് ചെയ്ത കാർ സ്റ്റീരിയോകൾ നിർമ്മിച്ച് തുടങ്ങിയതും ബോസാണ്.

ഓഡിയോ സിസ്റ്റങ്ങൾ വിൽക്കുന്ന അമേരിക്കയിലെ ഏറ്റവും വലിയ കമ്പനി ഉടമയും, സമ്പന്നനുമായ അമർ ബോസ് 2011 ൽ കമ്പനിയുടെ ഭൂരിഭാഗം ഷെയറുകളും താൻ പഠിക്കുകയും ജോലി ചെയ്യുകയും ചെയ്ത MITക്ക് സംഭാവന ചെയ്തു. MIT അതേപടി വിലയ്ക്ക് വാങ്ങാൻ ഇതിൽ പത്തിലൊരു ഭാഗം ഷെയർ വിറ്റാൽ മതിയാകുമായിരുന്നു.

ഓഡിയോ എഞ്ചിനീയറിങ്ങ് സൊസൈറ്റിയുടെ ഹോണററി മെംബർ, സൈക്കോ അക്വാസ്റ്റിക്സിൻ്റെ തലതൊട്ടപ്പൻ, ഓഡിയോ എഞ്ചിനീയറിങ്ങിലെ ഏറ്റവുമധികം പേറ്റൻ്റുകൾ ഉള്ളവരിൽ ഒരാൾ,

എന്നീ നിലകളിലെല്ലാം അമർ ബോസ് തൻ്റെ വ്യക്തി മുദപതിപ്പിച്ചു. 2013 ജൂലൈ 12ന് തൻ്റെ 83 ആം വയസിൽ ഓഡിയോ ഇലക്ട്രോണിക്സ് രംഗത്തെ ഈ മഹാപ്രതിഭ അന്തരിച്ചു. മരിക്കുന്നത് വരെയും അദ്ദേഹം കർമ്മനിരതനായിരുന്നു.

ബോസിൻ്റെ അസാന്നിദ്ധ്യത്തിലും ബോസ് കോർപ്പറേഷൻ ലോകത്തിലെ മുൻനിര ഓഡിയോ കമ്പനികളിൽ ഒന്നായി നിലകൊള്ളുന്നു.

ആദ്യ ഭാര്യ പ്രേമയിലുണ്ടായ

വേണുബോസ്, കമലാ ബോസ് എന്നിങ്ങനെ രണ്ട് മക്കൾ.വേണുബോസ് സെല്ലുലാർ നെറ്റ് വർക്ക് രംഗത്തെ അതികായരായ വേണു കവറേജ് കമ്പനിയുടെ ഉടമയാണ്.ഇന്ത്യയടക്കം ലോകത്തിലെ4G,5G നെറ്റ് വർക്കുകളുടെ സാങ്കേതിക പിൻബലത്തിന് പിന്നിലെ കമ്പനികളിൽ ഒന്നാണിത്.

പന്ത്രണ്ടായിരത്തിലധികം ജീവനക്കാർ ബോസ് കോർപ്പറേഷനിൽ ജോലി ചെയ്യുന്നു. റിട്ടയർമെൻ്റ് ഇല്ലാത്ത ലോകത്തിലെ ആദ്യ കമ്പനി എന്ന പേരും ബോസ് കോർപ്പറേഷനുണ്ട്.

ജോലി ചെയ്യാൻ ആരോഗ്യവും, താൽപ്പര്യവുമുണ്ടെങ്കിൽ എത്ര വയസായാലും ജീവനക്കാരെ പിരിച്ച് വിടില്ല എന്നതാണ് ബോസിൻ്റെ കമ്പനി പോളിസി.

ഓരോ സംഗീതാസ്വാദകനും സ്വന്തമാക്കാൻ ആഗ്രഹിക്കുന്ന ബോസ് ഓഡിയോ ഉൽപ്പന്നങ്ങൾ ഓഡിയോ ഫൈലുകൾക്ക് ഇഷ്ടമല്ല എന്നത് ഒരു വൈരുദ്ധ്യമായി നില നിൽക്കുന്നു.

എഴുതിയത് അജിത് കളമശേരി.

#ajithkalamassery ,

#electronics_keralam ,

#electronics_malayalam

ahuja amplifier story

 ahuja  amplifier story

 In the 1940s, before India's independence, there was a young man with a keen interest in technology. Name is Amar Nath Ahuja. Amarnath belonged to a family that migrated to Delhi long before partition from Sindh province in present day Pakistan.
At the time when the freedom struggle was in full swing, loudspeakers started appearing in some rare public meetings. It was a time when the notices were printed separately stating that there would be loudspeakers to gather people for the meetings.
ndian mic set operators were using public address systems of foreign companies like Chicago Radio, Altec Lansing, Sure and Rolla.
Where there is loudspeaker, there is Amarnath. The 20-year-old became a regular presence at public meetings as an assistant to the mic operators. The mic operators welcomed the young man with a bit of technical knowledge who would help them without any expectation of reward.
After learning everything, Amarnath persuaded his father and acquired two old Chicago radio make tube  amplifiers, a few Trumpet horns  and one or two Sure mics and became a mic operator himself. The company was named Ahuja Sound Equipments.
The difficulties in this field began to be understood when Ahuja became a sound operator. At that time, transistors had not been popular. All amplifiers are of vacuum tube construction. They will get dameged  frequntly.
These foreign made amplifiers were not suitable for Indian conditions. In case of failure, repair parts have to be imported, and the parts are very expensive. Even if the parts are available, there are very few technicians to repair them.
Frustrated with not being able to complete the work undertaken due to the damage of the equipment, Amarnath decided to learn by himself how to troubleshoot the amplifiers in hand.
Amarnadh painstakingly organized the schematic diagrams of the amplifiers in hand and started studying them. The assistance of service engineers of amplifier companies who occasionally come from abroad was also sought for doubt clearing.
That service engineers teach Amarnadh how to quickly troubleshoot amplifiers using tools such as multimeters and signal injectors as they were used for troubleshooting.
Seeing Amarnath's interest in this, an engineer from Sure Company helped by providing multimeter and signal injector at a subsidized price.
With this, Amarnath acquired the experience of repairing the equipment of his own company without the help of anyone else.
With this, the reputation of Amarnadh who knows how to repair all his equipments has spread in the country. If you call Amar, it is guaranteed that the sound system will work without interruption.
There are only two amplifiers in total. If there is more , more works can be caught. VIP functions require two amplifiers. One for running and one for standby.
Decided not to buy the old one anymore. New amplifier will cost a lot of money. Anyway, Amarnath decided to use his repairing experience to make an amplifier.
Neither the cores nor the copper wire required to manufacture the transformers, an important component of the amplifier, were available in India. Through long correspondence, all the raw materials required for the manufacture of the amplifier were brought from Britain.
After taking apart, tinkering, modifying, and after many failures, Amarnath finally produced an amplifier suitable for Indian conditions. Thus, in 1942, the first Indian-made Audio amplifier was rolled out from Amarnaths workshop.It was a model bearing model number A 25 with a capacity of just 25 watts. On its dial, the ASE logo, which stands for Ahuja Sound Equipments, can be seen shining beautifully in the back light.
With this, Amarnath's name spread everywhere in mic operating establishments. A friend from Delhi has built his own amplifier. Instead of expensive foreign amplifiers that cost a lot of money to repair, Ahuja's amp is affordable with good sound quality  and can be repaired at low cost in case of breakdowns.The fame of Ahuja's amplifters were everywhere and lot of people came in need. Everyone needs an A 25.
With this, Amarnath stopped the mic operating company and stepped into the field of amplifier manufacturing. A company called Ahuja Radios was registered for this.
Ahuja amplifiers performed smoothly in snowy Kashmir, the scorching hot desert of Rajasthan and the incessant rain of Cherrapunji, where foreign-made sets failed under such extreme conditions.
The reputation of Ahuja amplifiers spread both at home and abroad. In 1952, amplifiers were first exported to Burma (now Myanmar).
Ahuja's first factory was started in 1958 at Okhla Industrial Estate in Delhi when the local shop manufacturing unit failed to complete the market demand. This huge factory with an area of 36000 square feet was inaugurated by the then Prime Minister of India, Jawaharlal Nehru.In 1973, it started exporting amplifiers and accessories to developed countries like Germany, Switzerland, UK, Netherlands and Australia.
In 1985, Ahuja started exporting its products to America and Canada after receiving UL certification and CSA certification from the American safety standard, Underwriters Laboratory.Ahuja has become the first Indian electronics company to achieve these certifications and bring its products to the American market.
By 1992, they had earned the reputation of being the first Indian OEM company to manufacture amplifiers of the specified quality and branding for many world-renowned amplifier manufacturers.In 2005, Ahuja achieved the distinction of being the first Indian company to made the sale of twenty lakh power amplifiers.
In 2011, in competition with other foreign companies, India's only Formula One race course, the Buddh International Circuit in Delhi, was commissioned to install the most accurate communication equipment on the 5.125 km long track and pavilion.
In 2016, India's first intelligent paging communication system for metro railways was developed. This brought an end to the importation of this system, which had lost a large amount of foreign exchange till then. This system is being used in around 16 metros in India including Kochi Metro.
The advantage of this system is the facility of controlling announcements in all stations and trains from a single control room, limited manpower and more accuracy.In 2018, it became the first company in the world to sell 4 million power amplifiers.
In 2019, 24 crore people participated in the Maha Kumbh Mela held at Triveni Sangam in Allahabad, Uttar Pradesh.
Ahuja Company holds an unrivaled world record for 55 days of uninterrupted sound deployment from a single control room through more than 25,000 speaker boxes using more than 5,000 amplifiers spread over an area of 56 square kilometers.Ahuja Company will be 83 years old in 2023. More than 400 products through 577 dealers in India, direct shipping to more than 50 countries in 5 continents, and retailing in more than 126 countries through online networks like Amazon and eBay. Ahuja has become a global brand.
The company's most powerful product is the 40 kg LXA 7600 amplifier in Class H configuration, which delivers 7600 watts in bridge mode at 2 E impedance.
The UB 30 is a 25 watt model that is the smallest that the company makes.
It weighs about 20 kg and has a magnetic weight of five and a half
The L 18-SW 1300 is an 18 inch subwoofer speaker that is the largest speaker manufactured by the company. It has a power of 1300 watts RMS. It can withstand up to 2600 watts intermittently.The company manufactures products in configurations ranging from Class AB to the new Class D and Class H.
Back in the days , the company launched a 12 volt battery operated cassette player with 10 watt amp called TP - 20DX at a low price for lottery sellers.
Named for its smooth sound, the SM-4040 was a heavy-duty stereo cassette player popular in the 1985s.Counter communication system CCS-2300 which can be fitted over and over the window to avoid direct conversation in today's covid era has achieved huge sales.
All 7083 stations of the Indian Railways are powered by Ahuja's amplifiers, which once switched on cannot be switched off. Many companies tried to enter this market, but after a month of continuous operation, their amps are  dissolved in smoke!.
Do you know that Ahuja amplifiers have been ringing the bank bells in the mosques of the Gulf countries for decades withstanding the harsh heat and sand winds?
Because if you see any sound products bearing the name Ahuja in the market, it will sell.
Ahuja amplifiers have the highest number of duplicates.
Amarnath Ahuja's policy was to benefit the buyer, so the company focused on sales as well as after-sales service from the very beginning.Sales were also helped by the fact that any local mechanic could repair out-of-warranty Ahuja amplifiers due to the longevity of one model.
Abbreviation of name Amar Nath Ahuja. Ahuja is reaching foreign markets under the brand name ANA.
Born in 1916, Ahuja Company founder Amarnath Ahuja passed away in 2007 at the age of 91.
The company is still thriving under the stewardship of his sons Sandeep Ahuja and Narendra Sen Ahuja.
Ahuja's pre-2000 sets are worth a lot among vintage collectors and audio enthusiasts. The oldest model A 25 ASE vacuum tube amplifiers in good condition are valued at Rs 25,000 to Rs 1 lakh.Ahuja owns 5 manufacturing units with a total area of over five lakh square feet. Ahuja uses the highest quality raw materials ranging from chips, transistors, capacitors to resistors directly purchased from the respective manufacturing companies and sheet metal cabinets and transformers are manufactured in-house.Ahuja brand also has some other sister companies.named

Unisound,
True Sound,
Studio Master and
ANA

When hearing the name Ahuja, in the minds of some  new generation feel neglect and resentment . They think that Ahuja is nothing in the audio market. After reading this, I think it will make at least a little difference.#Ajith_kalamassery

JBL ൻ്റെ കഥ

JBL ൻ്റെ കഥ 

 

 അമേരിക്കയിലെ ഇല്ലിനോയിസിലുള്ള ഗ്രീൻ റിഡ്ജ് എന്ന ഖനിയുടെ സമീപമുള്ള ചെറു പട്ടണത്തിൽ  സാങ്കേതിക തൽപ്പരനും വികൃതിയുമായ ഒരു പത്ത് വയസുകാരൻ ഉണ്ടായിരുന്നു.ജയിംസ് മാർട്ടിനി ലാൻസിങ്ങ് എന്ന കുരുത്തം കെട്ട പയ്യനായിരുന്നു അത്.


 ഭക്ഷ്യവസ്തുക്കൾ പായ്ക്ക് ചെയ്ത് വരുന്ന ചെറിയ പാട്ട ടിന്നുകൾ സംഘടിപ്പിച്ച് അത് കമ്പിളി വസ്ത്രങ്ങളിൽ ഉരസി ഈ ടിന്നുകളിൽ  സ്റ്റാറ്റിക് ഇലക്ട്രിസിറ്റി സംഭരിച്ച് അവൻ  വഴിയിൽ ഇടും! വഴിയിൽ കുടി പോകുന്ന മറ്റ് കുട്ടികൾ കൗതുകത്തിനായി ഈ ടിന്നുകൾ എടുത്തു നോക്കും. ടിന്നിൽ തൊട്ടാൽ ശക്തമായ ഒരു ഷോക്ക് കിട്ടും.

ഗ്രീൻ റിഡ്ജിലെ ഒരു മൈനിങ്ങ്‌ എഞ്ചിനീയറായ ഹെൻട്രി മാർട്ടിനിയുടെയും, ഗ്രേസ് മാർട്ടിനിയുടേയും ഒമ്പതാമത്തെ പുത്രനായിരുന്നു ഈ കുഴപ്പക്കാരൻ!

 കൂട്ടുകാരെ പേടിപ്പിക്കാൻ ലാൻസിങ്ങ് സാങ്കേതിക വിദ്യയെ കൂട്ട് പിടിച്ച് ഇലക്ട്രോണിക്സ് പണി പഠിച്ച് തുടങ്ങി.

കുട്ടികളെ പേടിപ്പിക്കുന്ന ഈ ഷോക്ക് സൂത്രം മുതിർന്നവരിൽ അത്ര കാര്യമായി എൽക്കുന്നില്ല എന്ന കാര്യം ലാൻസിങ്ങിൻ്റെ ശ്രദ്ധയിൽ പെട്ടു.

ഈ ഷോക്കിൻ്റെ പവർ കൂട്ടാൻ എന്താണ്ടൊരു മാർഗ്ഗം? കുട്ടി ശാസ്ത്രജ്ഞൻ്റെ തല പുകഞ്ഞു.  വീട്ടിലെ  സൈക്കിളിൽ ചെറിയ ഒരു  മാറ്റം വരുത്തി നോക്കി. ടയറിൽ കമ്പിളി ചുറ്റി ചക്രം കറങ്ങുമ്പോൾ ഈ  കമ്പിളിത്തുണി  ചാർജ് കയറ്റേണ്ട ടിന്നിൽ ഉരസി കറങ്ങുന്ന സംവിധാനം വികസിപ്പിച്ചു.

പരീക്ഷണം സക്സസ് ! സാധാരണ രീതിയിൽ കൈ കൊണ്ട് ഉരച്ച് സ്റ്റാറ്റിക് ഇലക്ട്രിസിറ്റി സംഭരിക്കുന്നതിലും നൂറിരട്ടി വൈദ്യുതി ഇത്തരത്തിൽ സംഭരിക്കാൻ സാധിക്കുമെന്ന് ലാൻസിങ്ങ് മനസിലാക്കി. ടിന്നിൽ നിന്ന് എർത്താകുന്ന സ്പാർക്കിൻ്റെ പൊട്ടൽ കേട്ട് തന്നെ സംഗതി  അപകടകരമെന്ന് തോന്നിയ ലാൻസിങ്ങ് ആ പരീക്ഷണം അവിടെ നിറുത്തി.

പിന്നെ വൈദ്യുതി ഇല്ലാതെ പ്രവർത്തിക്കുന്ന ക്രിസ്റ്റൽറേഡിയോകളിലേക്കായി ലാൻസിങ്ങിൻ്റെ ശ്രദ്ധ. ഷേവിങ്ങ് ബ്ലേഡും, മൊട്ടുസൂചിയും ,ഫോണിൻ്റെ ഇയർ പീസും ഒക്കെ ഉപയോഗിച്ച്  ക്രിസ്റ്റൽ റേഡിയോകൾ നിർമ്മിച്ച് കൂട്ടുകാർക്കൊക്കെ വിതരണം ചെയ്തു തുടങ്ങി.

 1914 കളിലാണ് ഈ സംഭവങ്ങൾ നടക്കുന്നത്, ലാൻസിങ്ങിന് അന്ന് കഷ്ടി  പത്ത് വയസ് പ്രായം വരും.
റേഡിയോ പ്രക്ഷേപണത്തിൻ്റെ പ്രാരംഭ കാലമാണ് ... കാലത്തും വൈകിട്ടും മാത്രമേ റേഡിയോ പ്രക്ഷേപണമുള്ളൂ. തൻ്റെ ക്രിസ്റ്റൽ റേഡിയോ ചെക്ക് ചെയ്യാൻ നേരം സ്റ്റേഷൻ ഇല്ല. ലാൻസിങ്ങ് വേറേ വഴിതേടി.

 അന്നത്തെ വാൽവ് റേഡിയോകളിൽ ഉപയോഗിക്കുന്ന വാൽവുകൾ വേഗം വീക്കാക്കുന്നത് മൂലം  മൂന്ന് നാല് മാസത്തിലൊരിക്കൽ മാറ്റണം ,അങ്ങനെ റേഡിയോ മെക്കാനിക്കുകൾ ഊരി മാറ്റുന്ന വാൽവുകൾ സംഘടിപ്പിച്ച് ഒരു റേഡിയോ ട്രാൻസ്മിറ്റർ തന്നെ അങ്ങ് നിർമ്മിച്ചു.

ഇതിൽ നിന്ന് പുറപ്പെട്ട റേഡിയോ സിഗ്നലുകൾ അൽപ്പം ദൂരെയുള്ള  അമേരിക്കൻ നേവൽ ബേസ് വരെയെത്തി .. ഏതോ ചാരൻമാർ രഹസ്യമായി റേഡിയോ ട്രാൻസ്മിറ്റർ പ്രവർത്തിപ്പിച്ച് സന്ദേശങ്ങൾ കൈമാറുന്നുവെന്ന് കരുതിയ പട്ടാളക്കാർ സിഗ്നൽ ട്രാക്ക് ചെയ്ത് വന്ന് ലാൻസിങ്ങിൻ്റെ വീട് വളഞ്ഞു.

ഒരു കൗമാരക്കാരൻ്റെ പരീക്ഷണങ്ങളാണ് ഗൗരവതരമൊന്നുമല്ല എന്ന് കണ്ട പട്ടാളം ലാൻസിങ്ങ് ഉണ്ടാക്കിയ റേഡിയോ  ട്രാൻസ്മിറ്റർ പിടിച്ചെടുത്ത് ഇനി ഈ പണി ആവർത്തിക്കരുതെന്ന് താക്കീത് നൽകി പോയി!

മകൻ്റെ സാങ്കേതിക താൽപ്പര്യം കണ്ടറിഞ്ഞ അമ്മ ഗ്രേസ് മാർട്ടിനി  മകനെ തൻ്റെ പരിചയക്കാരൻ്റെ ഓട്ടോമൊബൈൽ വർക്ക്ഷോപ്പിൽ അപ്രൻ്റീസായി കയറ്റി.

വർക്ക്ഷോപ്പ് അവന് വളരെ ഇഷ്ടപ്പെട്ടു.സ്കൂൾ സമയം കഴിഞ്ഞാൽ പയ്യൻ വർക്ക്ഷോപ്പിൽ ഉണ്ടാകും. താമസിയാതെ  വണ്ടികളുടെ ഇലക്ട്രിക്കൽ പണികളിൽ ലാൻസിങ്ങ് ഒരു വിദഗ്ദ്ധനായി മാറി. വർക്ക്ഷോപ്പിൽ നിന്നും കിട്ടുന്ന പോക്കറ്റ് മണി കൊണ്ട് തൻ്റെ റേഡിയോ പണികൾക്കുള്ള സാമഗ്രികൾ യഥേഷ്ടം വാങ്ങാനുമൊത്തു.

തൻ്റെ 22 ആം വയസിൽ അദ്ദേഹത്തിൻ്റെ അമ്മ ഗ്രേസ് മരണപ്പെട്ടു. പിതാവുമായി അത്ര നല്ല ബന്ധത്തിലല്ലാതിരുന്ന ലാൻസിങ്ങ് ഇതോടെ വിടുവിട്ടു,സാൾട്ട് ലേക്ക് സിറ്റി എന്ന നഗരത്തിലേക്ക് താമസം മാറി.

കോളേജ് പഠനം പൂർത്തിയാക്കുകയും  ഒപ്പം ഇലക്ട്രിക്കൽ ഇലക്ട്രോണിക്സ്  സാങ്കേതിക വിദ്യകളിൽ നിപുണനുമായിരുന്നതിനാൽ ആ നഗരത്തിലുള്ള  ഇലക്ട്രോണിക്സ്  പാർട്സുകൾ നിർമ്മിച്ചിരുന്ന  ബാൾഡ് വിൻ റേഡിയോ കമ്പനിയിൽ  ജോലി നേടാൻ ഒരു പ്രയാസവുമുണ്ടായില്ല.

സാൾട്ട് ലേക്ക് സിറ്റിയിൽ വച്ച് അദ്ദേഹത്തിൻ്റെ ജീവിതത്തിൻ്റെ തലവര തന്നെ  മാറ്റിയ മൂന്ന്  പ്രധാന സംഭവങ്ങൾ  ഉണ്ടായി..

 ഒന്ന്.താൻ ഇത്രയും നാൾ കൂടെ കൊണ്ട് നടന്ന പേര് അദ്ദേഹം ഉപേക്ഷിച്ചു.

രണ്ട്. ഗ്ലെന്ന പീറ്റേഴ്സണിന വിവാഹം കഴിച്ചു.

മൂന്ന് .കെൻ ഡെക്കർ എന്ന തൻ്റെ ആത്മാർത്ഥ സുഹൃത്തിനെ പരിചയപ്പെട്ടു.

ജയിംസ് മാർട്ടിനി ലാൻസിങ്ങ് എന്നായിരുന്നു അതുവരെ അദ്ദേഹത്തിൻ്റെ പേര്.മാർട്ടിനി എന്ന ബ്രാൻഡിൽ  വളരെ പ്രശസ്തമായ ഒരു മദ്യം അന്ന് വിപണിയിൽ സുലഭമായിരുന്നു. തൻ്റെ പേര് പറയുമ്പോൾ തന്നെ എല്ലാവരുടെയും ചുണ്ടിൽ ഒരു ചെറു ചിരി വിരിയുന്നത് അതുവരെ ലാൻസിങ്ങ് കാര്യമാക്കിയിരുന്നില്ല. പക്ഷേ ഭാര്യ ഗ്ലെന്നയ്ക്ക്  ഈ പേര് ഇഷ്ടപ്പെട്ടില്ല ,അവരുടെ നിർബന്ധപ്രകാരം ജയിംസ് മാർട്ടിനി ലാൻസിങ്ങ്  എന്ന തൻ്റെ  പേര്, ജയിംസ് ബുള്ളോഗ് ലാൻസിങ്ങ് എന്നാക്കി മാറ്റി.. ഈ പേര് മാറ്റം വളരെ ഗുണം ചെയ്തു.
1927 ൽ ഭാര്യയുടെ നിർദ്ദേശാനുസരണം ലാൻസിങ്ങ് ലോസ് ഏഞ്ചൽസിലേക്ക് താമസം മാറി, അവസരങ്ങളുടെ പൂക്കാലമായിരുന്നു ലാൻസിങ്ങിനെ ലോസാഞ്ചൽസിൽ കാത്തിരുന്നത്.അവിടെ ആത്മാർത്ഥ സുഹൃത്ത്.കെൻ ഡെക്കറിനൊപ്പം ചേർന്ന് ലാൻസിങ്ങ് മാനുഫാക്ചറിങ്ങ് കമ്പനി എന്ന പേരിൽ ഒരു ചെറിയ  ലൗഡ് സ്പീക്കർ നിർമ്മാണ ഫാക്ടറി ആരംഭിച്ചു.

അതു വരെ തകരപാട്ടയിൽ ചെറിയ കല്ലുകൾ ഇട്ട് കിലുക്കും പോലുള്ള ശബ്ദം പുറപ്പെടുവിക്കുന്ന സ്പീക്കറുകളായിരുന്നു റേഡിയോ സെറ്റുകളിലും, ആംപ്ലിഫയറുകളിലും ഉപയോഗിച്ചിരുന്നത്. പോപ് / ജാസ്
സംഗീത പ്രേമിയായ ലാൻസിങ്ങിന് അന്നത്തെ സ്പീക്കറുകളുടെ മ്യൂസിക് റീ പ്രൊഡക്ഷൻ കപ്പാസിറ്റിയിൽ യാതൊരു തൃപ്തിയും തോന്നിയില്ല.

യഥാതഥമായ സംഗീതാനുഭവം അനുഭവിപ്പിക്കുന്ന സ്പീക്കർ ബോക്സുകൾ  നിർമ്മിക്കുന്നതിനുള്ള ലാൻസിങ്ങ്  അദ്ദേഹം ആരംഭിച്ചു.

ഇതിന് തുനിഞ്ഞിറങ്ങിയപ്പോൾ വലിയ വെല്ലുവിളികളാണ് അദ്ദേഹത്തിന് നേരിടേണ്ടി വന്നത്.സംഗീത ഉപകരണമായ ഡ്രം സെറ്റുകളുടെ ഡയമീറ്ററിൻ്റെ ശരാശരിയായ 12 ഇഞ്ച് വാവട്ടമുള്ള  സ്പീക്കറുകൾ ജാസ്/പോപ്പ് സംഗീത ഉപകരണങ്ങളുടെ ശബ്ദം യാഥാർത്ഥ്യബോധത്തോടെ പുനരാവിഷ്കരിക്കുമെന്ന് അദ്ദേഹത്തിന് തോന്നി.

8 ഇഞ്ചിന് മുകളിലേക്ക് വലിപ്പമുള്ള സ്പീക്കറുകൾ അന്ന് നിർമ്മിച്ചിരുന്നില്ല. ഇതിനായി അദ്ദേഹം 12 ഇഞ്ച് സ്പീക്കറുകൾക്കായി ഹെവി ഡ്യൂട്ടി കാസ്റ്റ് അയേൺ ബാസ്ക്കറ്റ്  ഡിസൈൻ ചെയ്തു. എത്ര ശക്തമായ കമ്പനങ്ങളേയും താങ്ങുന്ന റബർ സറൗണ്ട്, സ്പൈഡർ എന്നിവ കണ്ടെത്തി, കൂടുതൽ വാട്സ് താങ്ങുന്നതിനായി അകത്തും പുറത്തും വൈൻഡിങ്ങുള്ള  വോയ്സ് കോയിൽ കണ്ടു പിടിച്ചു. കൂടുതൽ ലയറുകൾ ചുറ്റുന്നതിനായി ഫ്ലാറ്റ് കോപ്പർ വയർ ഉപയോഗിക്കാം എന്ന് കണ്ടെത്തി.
ശക്തമായ  സ്പീക്കർ പ്രവർത്തനത്തിൽ കോൺപേപ്പറും, സ്പൈഡറും ബാസ്ക്കറ്റുമായുള്ള ബന്ധം വിട്ട് ഇളകിത്തെറിക്കാത്ത പശക്കൂട്ട് കണ്ടെത്തി.

അന്നത്തെ വലിയ സ്പീക്കറുകൾ ഇലക്ട്രോമാഗ് നെറ്റ് ഉപയോഗിച്ചാണ് വോയ്സ് കോയിലിനെ ഡ്രൈവ് ചെയ്യിച്ചിരുന്നത് ,ചെറിയ സ്പീക്കറുകളിൽ മാത്രമേ പെർമനൻ്റ് മാഗ് നെറ്റ് ഉപയോഗിച്ചിരുന്നുള്ളൂ.

ഇലക്ട്രോമാഗ് നെറ്റ് ഉപയോഗിക്കുമ്പോൾ എന്തെങ്കിലും കാരണത്താൽ സ്പീക്കർ മാഗ് നെറ്റിലേക്കുള്ള പവർ കട്ടായാൽ ആംപ്ലിഫയറും കത്തും, സ്പീക്കർ വോയ്സ് കോയിലും പുകയും.

ഇതിനൊരു പ്രതിവിധി പെർമനൻ്റ് മാഗ്‌നെറ്റാണ് പക്ഷേ 1927 ൽ വളരെ ശക്തി കൂടിയ ചെറിയ മാഗ്‌നെറ്റുകൾ ഉപയോഗത്തിലുണ്ടായിരുന്നില്ല.

ലാൻസിങ്ങിന്  കമ്പനി തുടങ്ങാൻ ധനസഹായം ചെയ്ത സുഹൃത്തായ കെൻ ഡക്കർ അമേരിക്കൻ പട്ടാളത്തിലെ യുദ്ധവിമാനങ്ങൾ പറത്തുന്ന പൈലറ്റായിരുന്നു. കെൻഡക്കർ അമേരിക്കൻ നേവി അന്തർവാഹിനികളിൽ യുദ്ധോപകരണങ്ങൾ ഒട്ടിച്ച് വയ്ക്കാൻ  ഉപയോഗിക്കുന്ന ഒരു തരം ശക്തിയേറിയ കാന്തങ്ങൾ ലാൻസിങ്ങിന് പരിചയപ്പെടുത്തി.

അലൂമിനിയവും, നിക്കലും പ്രത്യേക അനുപാതത്തിൽ ചേർന്ന അൽ നിക്കോ മാഗ്‌നെറ്റുകളായിരുന്നു അത്. ഇവ ഉപയോഗിച്ച് ലാൻസിങ്ങ് ഏതാനും മാസങ്ങൾ കൊണ്ട് നല്ല ശബ്ദ ഗുണമേൻമയുള്ള 12 ഇഞ്ച്  വൂഫറുകൾ ലോകത്തിൽ ആദ്യമായി നിർമ്മിച്ചു. ഇവ ജാസ്/പോപ്പ് സംഗീതത്താലെ ലോ, ലോ മിഡ് ഫ്രീക്വൻസികൾ നന്നായി റീ പ്രൊഡ്യൂസ് ചെയ്തു.

ഇതുകൊണ്ടും തൃപ്തിവരാതെ ഹൈ ഫ്രീക്വൻസി പുറപ്പെടുവിക്കുന്ന കമ്പ്രഷൻ ട്യൂട്ടർ ടെക്നോളജിയും, ഫ്രീക്വൻസി ഡിവൈഡിങ്ങ് നെറ്റ് വർക്കും, സ്പീക്കർ നിർമ്മിക്കാനുള്ള TS പാരാമീറ്റഴ്സിൻ്റെ കണക്കുകളും അദ്ദേഹം ഡവലപ്പ് ചെയ്തു.

ഇതേ സമയത്താണ് ലോകത്തിലെ ആദ്യ മ്യൂസിക്കൽ എൻ്റർടെയിനർ ഫിലിമായ ജാസ് സിംഗർ എന്ന സിനിമ MGM ഫിലിം സ്റ്റുഡിയോ നിർമ്മിക്കാനുള്ള ആലോചനകൾ നടത്തുന്നത്.

MGM സ്റ്റുഡിയോ ലാൻസിങ്ങിൻ്റെ സ്പീക്കർ കണ്ടുപിടുത്തത്തെക്കുറിച്ച്  കേട്ടറിഞ്ഞ് അദ്ദേഹത്തെ ഒരു പ്രസൻ്റേഷൻ അവതരിപ്പിക്കാൻ വിളിച്ചു.


അതേ വരെ സിനിമാ തീയേറ്ററുകളിൽ ലൈവ് സൗണ്ട് ടെക്നോളജി യായിരുന്നു!  ഒരു കഥ പറച്ചിലുകാരൻ സ്ക്രീന് സമീപമുള്ള തട്ടിൽ നിന്ന് കൊണ്ട് സിനിമാ കഥയും സംഭാഷണങ്ങളും ഉറക്കെ വിളിച്ച് പറയും. ഒപ്പം ഏതാനും സംഗീത ഉപകരണങ്ങൾ വായിക്കുന്നവരും ഉണ്ടാകും. ഇവർ പശ്ചാത്തല സംഗീതം ഒരുക്കും.

സിനിമയിലെ സംഭാഷണവും, ഗാനങ്ങളും പൂർണ്ണമായും വിനൈൽ ഡിസ്ക്കിൽ റിക്കോഡ് ചെയ്ത് സിനിമ പ്രദർശിപ്പിക്കുന്നതിനൊപ്പം സ്ക്രീനിന് പിന്നിൽ വച്ച സ്പീക്കറിലൂടെ പ്രക്ഷേപണം ചെയ്യാനാണ് MGM സ്റ്റുഡിയോ തീരുമാനിച്ചത്. അതിനാവശ്യമായ സ്പീക്കർ സിസ്റ്റം തപ്പി നടക്കുമ്പോഴാണ് ലാൻസിങ്ങിനെപ്പറ്റി കേട്ടത്.

ലാൻസിങ്ങിൻ്റെ സ്പീക്കർ സിസ്റ്റം MGM സ്റ്റുഡിയോയിലെ സൗണ്ട് എഞ്ചിനീയർമാർക്ക് വല്ലാതെ ഇഷ്ടപ്പെട്ടു. യാഥാർത്ഥ്യബോധത്തോടെയുള്ള ശബ്ദ പുനരാവിഷ്കരണം.. വൻ ഓർഡറാണ് 'MGM നൽകിയത്.

ജാസ് സിങ്ങർ എന്ന സിനിമ പ്രദർശിപ്പിക്കുന്ന തീയേറ്ററുകളിലെല്ലാം ലാൻസിങ്ങിൻ്റെ സ്പീക്കർ സിസ്റ്റം ഫിറ്റ് ചെയ്യപ്പെട്ടു.1927 ഒക്ടോബർ 6ന്   സിനിമ പുറത്തിറങ്ങി. ചിത്രം വൻ വിജയമായി.

ഇതോടെ ലാൻസിങ്ങിൻ്റെ കമ്പനി ലോക പ്രശസ്തമായി ഓർഡറുകൾ കുമിഞ്ഞ് കൂടി.

1939 വരെ കമ്പനി നല്ല നിലയിൽ മുന്നോട്ട് പോയി പെട്ടെന്ന് ഒരപ്രതീക്ഷിത അപകടം സംഭവിച്ചു. കമ്പനി സഹ സ്ഥാപകനായ കെൻ ഡക്കർ ഒരു വിമാന അപകടത്തിൽ കൊല്ലപ്പെട്ടു. കമ്പനിയുടെ സാമ്പത്തിക ഇടപാടുകൾ മുഴുവൻ നടത്തിയിരുന്നത് ഡക്കറായിരുന്നു.

സാമ്പത്തിക ഇടപാടുകളിൽ യാതൊരു ശ്രദ്ധയുമില്ലാതിരുന്ന  ലാൻസിങ്ങിൻ്റെ ശ്രദ്ധക്കുറവ് മൂലം കമ്പനി തകർച്ചയിലേക്ക് പതിച്ചു. ലടിച്ച ഓർഡറുകൾ ഒന്നും സമയത്തിന് കൊടുക്കാനായില്ല.

ഇതു മൂലം 1941ൽ ലാൻസിങ്ങ് തൻ്റെ കമ്പനി മറ്റൊരു പ്രമുഖ ഓഡിയോ കമ്പനിയായ ആൾട്ടെക്കിന് കൈമാറി .ഇതോടെ കമ്പനിയുടെ പേര് ആൾട്ടെക്ക് ലാൻസിങ്ങ് എന്നായി മാറി.

5 വർഷം ആ കമ്പനിയിൽ ഡയറക്ടറായി തുടർന്ന ലാൻസിങ്ങിന് അവിടുത്തെ ചട്ടവട്ടങ്ങൾ ഇഷ്ടപ്പെട്ടില്ല. 1946ൽ അദ്ദേഹം ആൾട്ടെക് ലാൻസിങ്ങിലെ പാർട്ണർഷിപ്പ് ഉപേക്ഷിച്ച്  "ലാൻസിങ്ങ് സൗണ്ട് " എന്ന പേരിൽ സ്വന്തമായി ഒരു കമ്പനി തുടങ്ങി.


 ഇതോടെ തങ്ങളുടെ വിപണി നഷ്ടപ്പെടുമോ എന്ന് ഭയന്ന ആൾട്ടെക്ക് ലാൻസിങ്ങ് കമ്പനി -വേറൊരാൾ ലാൻസിങ്ങ് എന്ന ട്രേഡ് മാർക്ക് ഉപയോഗിച്ചു ഉൽപ്പന്നങ്ങൾ നിർമ്മിച്ച് തങ്ങൾക്ക് നഷ്ടം വരുത്തുന്നു എന്ന് കാണിച്ച് കൊണ്ട് കേസ് കൊടുത്തു.

ഇതോടെ ജയിംസ് ബുള്ളോഗ് ലാൻസിങ്ങിന് തൻ്റെ പേര് ഉപയോഗിക്കാൻ കോടതി അനുമതി നിഷേധിച്ചു. തൻ്റെ പേര് മാറ്റാൻ കാരണക്കാരിയായ ഭാര്യ തന്നെ ഇവിടെയും ലാൻസിങ്ങിൻ്റെ രക്ഷക്കെത്തി. James Bullough Lansing. എന്ന ഭർത്താവിൻ്റെ പേരിൻ്റെ ആദ്യാക്ഷരങ്ങൾ ചേർത്ത് JBLഎന്ന പേര് ഭാര്യയായ ഗ്ലെന്ന നിർദ്ദേശിച്ചു.ഈ പേരിൽ കോടതിക്കും ,ആൾട്ടെക്ക് ലാൻസിങ്ങിനും എതിർപ്പുണ്ടായില്ല .!

വില്യം തോമസ് എന്ന മറ്റാരു സുഹൃത്തിൻ്റെ സഹായത്തോടെ കമ്പനി വീണ്ടും പ്രവർത്തനമാരംഭിച്ചു. പക്ഷേ ഇതും അധികകാലം നടത്തിക്കൊണ്ടുപോകാൻ ലാൻസിങ്ങിനായില്ല. നല്ല ഒരു എഞ്ചിനീയറായ ലാൻസിങ്ങ് ഒരു മോശം ബിസിനസ് മാനായിരുന്നു. കമ്പനിയുടെ സാമ്പത്തിക പ്രതിസന്ധികൾ മൂലവും ,ഒപ്പം കുടുംബ പ്രശ്നങ്ങളാലും  മനം മടുത്ത ജയിംസ് ബുള്ളോഗ് ലാൻസിങ്ങ് എന്ന മഹദ് വ്യക്തി  1949 സെപ്റ്റംബർ 29 ന് തൻ്റെ 47 ആം വയസിൽ സ്വയം ജീവനൊടുക്കി.




ഓഡിയോ എഞ്ചിനീയറിങ്ങ് സംബന്ധമായി ധാരാളം പേറ്റൻ്റുകളും ,സ്പീക്കർ നിർമ്മാണ ഫാക്ടറിയും സ്വന്തമായി ഉണ്ടായിരുന്ന JBL കമ്പനിയിൽ ലാൻസിങ്ങിൻ്റെ ഭാര്യക്കുണ്ടായിരുന്ന അവകാശവും നിസാര തുക നൽകി സുഹൃത്ത് വില്യം തോമസ് കമ്പനി സ്വന്തമാക്കി.


 20 വർഷം ലാൻസിങ്ങിൻ്റെ പേര് ചീത്തയാക്കാതെ നല്ല രീതിയിൽ  കമ്പനി കൊണ്ടു നടന്ന വില്യം തോമസ് 1969 ൽ ഹർമൻ കാർഡൻ എന്ന മറ്റൊരു വമ്പൻ അമേരിക്കൻ ഓഡിയോ ബ്രാൻഡിന് JBL വിറ്റ് കാശ് മേടിച്ച് സ്ഥലം കാലിയാക്കി.

ഹർമൻ കാർഡൻ കമ്പനി ഏറ്റെടുത്തതിന് ശേഷം അവർ JBLബ്രാൻഡിൽ ആംപ്ലിഫയറുകൾ, ഹെഡ് ഫോണുകൾ, തുടങ്ങി നിരവധി കൺസ്യൂമർ ഉൽപ്പന്നങ്ങൾ പുറത്തിറക്കിത്തുടങ്ങി. അവയും വിപണിയിൽ വൻ സ്വീകാര്യത നേടി.

ഹർമൻ കാർഡൻ കമ്പനിയെ 2016 മാർച്ചിൽ  സാംസങ്ങ് ഇലക്ട്രോണിക്സ് ഏറ്റെടുത്തു.ഇതോടെ JBLബ്രാൻഡും സാംസങ്ങിൻ്റേതായി മാറി.

പൊളിഞ്ഞ് കുത്തുപാളയെടുത്ത ആൾട്ടെക് ലാൻസിങ്ങിനെ 2012 ൽ ഇൻഫിനിറ്റി ഗ്രൂപ്പ് എന്ന ചൈനീസ് കമ്പനി ടേക്കോവർ ചെയ്തു.

JBLകമ്പനി സ്ഥാപകനായ ജയിംസ് ബുള്ളോഗ് ലാൻസിങ്ങ് വൂഫറുകളുടെയും, മിഡ് റേഞ്ച് സ്പീക്കറുകളുടെയും, കമ്പ്രഷൻ  ട്വീറ്ററുകളുടെയും, ഡിവൈഡിങ്ങ് നെറ്റുവർക്കുകളുടെയും ,ഹെവി ഡ്യൂട്ടി പേപ്പർ കോണുകളുടേയും, ഡസ്റ്റ് ക്യാപ്പിൻ്റെയും, സ്പീക്കർ കൂളിങ്ങ് വെൻ്റിലേഷൻ്റെയുമെല്ലാം കണ്ട് പിടുത്തത്തിലൂടെ സംഗീത, സിനിമാ, ലോകത്തിന് അദ്ദേഹം ചെയ്ത സംഭാവനകൾ എന്നെന്നും സ്മരിക്കപ്പെടും.

ജീവിച്ചിരുന്നെങ്കിൽ ഇനിയും ഓഡിയോ ഇലക്ട്രോണിക്സ് രംഗത്തിന് കനപ്പെട്ട സംഭാവനകൾ അദ്ദേഹത്തിൽ നിന്നും ലഭിക്കുമായിരുന്നു.

സാംസങ്ങ് JBL ബ്രാൻഡിൽ ലോകമെങ്ങും ഇന്നും ഗുണമേൻമയേറിയ ഓഡിയോ ഉൽപ്പന്നങ്ങൾ വിറ്റുവരുന്നു. ഈ പ്രശസ്തി മുതലാക്കി വ്യാജൻമാരും രംഗത്ത് ധാരാളമായി ഉണ്ട്. പേര് അനുകരിക്കാം പക്ഷേ JBL ൻ്റെ ക്വാളിറ്റി അനുകരിക്കാൻ സാധിക്കുന്നില്ല എന്നതാണ് വ്യാജൻമാർ നേരിടുന്ന വെല്ലുവിളി!

സ്പീക്കർ ടെക്നോളജിയിൽ അദ്ദേഹം ഡവലപ്പ് ചെയ്ത ടെക്നോളജികളിൽ ഇന്നും കാര്യമായ മാറ്റമൊന്നും വന്നിട്ടില്ല. മറ്റുള്ളവരെല്ലാം അത് അനുകരിക്കുന്നുവെന്ന് മാത്രം.


അടുത്ത തവണ ചങ്ക് കലങ്ങുന്ന ഇടി ഏതെങ്കിലും സബ്‌ വൂഫറിൽ നിന്ന് കേൾക്കുമ്പോഴോ, സ്റ്റീൽ പാത്രം താഴെ വീണ പോലെ ചിൽ ചിൽ ശബ്ദം ഏതെങ്കിലും ട്വീറ്ററിൽ നിന്ന് കേൾക്കുമ്പോഴോ  അത് കണ്ട് പിടിച്ച JBLനെ ഒന്നോർത്തേക്കുക! എഴുതിയത്  #ajith_kalamassery.17.07.2023

പ്രഷർ പമ്പ് എന്ത് എന്തിന്?

 പ്രഷർ പമ്പ് എന്ത് എന്തിന്?

 

 നല്ല ഒരു ഹോട്ടലിൽ കയറിയാൽ അവിടുത്തെ വാഷ് റൂമിലെ ടാപ്പിൽ നിന്ന് വരുന്ന നുരഞ്ഞ് പതഞ്ഞ പാല് പോലുള്ള  വെള്ളം നമ്മളെ വല്ലാതാകർഷിക്കും!

എന്ത് കാശായാലും വേണ്ടില്ല അതൊരെണ്ണം വാങ്ങി വീട്ടിൽ ഫിറ്റ് ചെയ്യണമെന്ന് അപ്പോൾ തന്നെ കരുതും.

പല പ്രാവശ്യം മറക്കുമെങ്കിലും എപ്പോഴെങ്കിലും ഓർമ്മ വരുമ്പോൾ ഇല്ലാത്ത കാശ് കൊടുത്ത് ടാപ്പ്  ഒരെണ്ണം വാങ്ങി ചെയ്യാത്ത പണിയായതിനാൽ നടുവും തണ്ടക്കണ്ണിയും കളഞ്ഞ് മെനക്കെട്ടിരുന്ന് അങ്ങോട്ട് പിടിപ്പിക്കും.

ഭാര്യയും, പിള്ളാരും, അഛനും, അമ്മയും എല്ലാം പ്രതീക്ഷയോടെ നോക്കി നിൽക്കുമ്പോൾ ടാപ്പിൻ്റെ സ്വിച്ച് ഓൺ കർമ്മം തനിയെ അങ്ങ് അങ്ങാട്ട് നിർവ്വഹിക്കും!.

ഹാ അതാ വെള്ളം വരുന്നുണ്ട്... അമ്പേ! നേരത്തേ വന്നിരുന്നതിലും കഷ്ടമായിട്ടാണല്ലോ ഇപ്പോൾ വെള്ളം വരുന്നത്.

ജ്യോതിയും വന്നില്ല, തീയും വന്നില്ല.. നുരയുമില്ല, പതയുമില്ല..

ചിരി മനസിൽ ഒതുക്കി നമ്മളെ നോക്കുന്ന വീട്ടുകാരോട് ഉള്ളിലെ ചമ്മൽ മറച്ച് ... അയ്യോ
 കടക്കാരൻ പറ്റിച്ചു!  ടാപ്പ് വേറെയാ തന്നത് എന്ന് പറഞ്ഞ് തൽക്കാലം രക്ഷപെടാം...

പ്ലംമ്പിങ്ങിൻ്റെ മറുകര കണ്ട ആളാണ്.. കുറച്ച് സോൾവെൻ്റ് സിമൻ്റും, ഒരു ഒടിഞ്ഞ ഹാക് സോബ്ലേഡും, വാ പോയ ഒരു പൈപ്പ് റേഞ്ചുമുണ്ടെങ്കിൽ എന്ത് പ്ലമ്പിങ്ങും ചെയ്യാമെന്നുള്ള അഹങ്കാരം അങ്ങ് തീർന്ന് കിട്ടി.

അൽപ്പം വിവരമുള്ള ഒരു പ്ലമ്പറോട് ചോദിച്ചപ്പോൾ അവൻ പറഞ്ഞു.. ഓ അത് ടാപ്പ് മോശമായിട്ടല്ല വെള്ളത്തിന് പ്രഷറില്ലാഞ്ഞിട്ടാണ് ഒരു പ്രഷർ പമ്പ് വാങ്ങി ഫിറ്റ് ചെയ്യ്.

അതെന്താ പ്രഷറില്ലാത്തത്? ഇന്നലെ വരെ പ്രഷർ ഉണ്ടായിരുന്നല്ലോ.. ഈ സാധനം വച്ചപ്പോൾ പ്രഷർ എവിടെപ്പോയി ? വല്യ  ഇലക്ട്രോണിക്സ് ടെക്നീഷ്യനെന്ന അഹംഭാവം ഉള്ളിൽ കിടക്കുന്നതിനാൽ ആരോടെങ്കിലും വിശദമായി ചോദിച്ച് മനസിലാക്കാനൊരുമടിയും...

 പ്രഷർ പമ്പ് എന്നാൽ പെയിൻ്റ് വരെ തെറിച്ച് പോകുന്ന പ്രഷറിൽ കാറ് കഴുകുന്ന പോർട്ടബിൾ പ്രഷർ വാഷറാണ് നമ്മുടെ മനസിലേക്ക് കടന്നു വരുന്നത്. എന്നാൽ  ഈ പേരിൽ മറ്റൊരു ചങ്ങാതി ഇപ്പോൾ ഇലക്ട്രിക് കടകളിൽ തൻ്റെ സാന്നിദ്ധ്യം അറിയിച്ചിട്ടുണ്ട്. അവനാണ് വാട്ടർ പ്രഷർ ബൂസ്റ്റർ പമ്പ്.

ഇന്നത്തെ ഇടത്തരക്കാരുടെ വീടുകളിൽ പോലും സ്പായും, ജാകൂസിയും, ബോഡി ജെറ്റും, പാനൽ ഷവറും, മിസ്സി റയിനും, വാട്ടർ ഫിൽറ്ററും, നുരയും പതയും വരുന്ന ആധുനിക ഷവറുകളും, ടാപ്പുകളും, ഓട്ടോമാറ്റിക് വാഷിങ്ങ് മെഷീനും, ഡിഷ് വാഷറുമെല്ലാം ഉപയോഗത്തിലായതോടെ പ്രഷറില്ലായ്മ ഒരു പ്രശ്നമായത്.

ഇത്തരം ഉപകരണങ്ങൾ പ്രവർത്തിക്കണമെങ്കിൽ മിനിമം ഒന്നര ,രണ്ട്  ബാർ പ്രഷർ വേണം ( പ്രഷറിൻ്റെ അളവ് കോലാണ് ബാർ.. PSI എന്ന അളവുമുണ്ട് 2 ബാർ എന്നാൽ 29 PSI ) വീട്ടിലെ വാട്ടർ ടാങ്ക് ടാപ്പിൽ നിന്നും 20 മീറ്റർ ഉയരത്തിൽ വച്ചിരുന്നാലേ 2 ബാർ പ്രഷർലഭിക്കൂ.

സാധാരണ ഗതിയിൽ ഇത് സാദ്ധ്യമല്ല. അതിനാലാണ് നമ്മൾ വീട്ടിൽ പുതിയ വാഷിങ്ങ് മെഷീനോ, നുരയും പതയും വരുന്ന ടാപ്പോ എല്ലാം വാങ്ങിച്ച് വച്ചാൽ  പ്രഷറില്ലായ്മ മൂലം അവയുടെ ശരിയായ പെർഫോമൻസ് ലഭിക്കാത്തത്.

വാട്ടർ പ്രഷർ 20 PSIക്ക് ( പൗണ്ട് പെർ സ്ക്വയർ ഇഞ്ച് PSI ) താഴെപ്പോയാൽ ഫുള്ളി ഓട്ടോമാറ്റിക് വാഷിങ്ങ് മെഷീനുകൾ പണിമുടക്കും.

ഇത്തരം ആവശ്യങ്ങൾക്ക്  കൃത്രിമമായി വാട്ടർ പ്രഷർ ഉയർത്തുന്നതിന്  നമുക്ക് ഒരു പ്രഷർ പമ്പ്  ഉപയോഗിക്കാം..

 നമ്മുടെ ആവശ്യാനുസരണം ഇത്തരം പമ്പുകളുടെ പ്രഷർ സെറ്റ് ചെയ്യാൻ സാധിക്കും.ഏതെങ്കിലും ടാപ്പ് തുറന്നാൽ പൈപ്പ് ലൈനിലെ പ്രഷർ വേരിയേഷൻ മനസിലാക്കി പ്രഷർ പമ്പ് തനിയെ ഓണായിക്കോളും. അതിനാൽ ഈ പമ്പിൻ്റെ സ്വിച്ച് എപ്പോഴും ഓണാക്കിയിട്ടാലും ആവശ്യ നേരത്ത് മാത്രമേ ഓണാകൂ വൈദ്യുതി പാഴാകില്ല.

ചെറിയ വാട്ട്സിൽ വർക്ക് ചെയ്യുന്ന പമ്പുകൾ ലഭ്യമാണ് അതിനാൽ ഇൻവെർട്ടറിലും പ്രവർത്തിക്കും.DC യിൽ പ്രവർത്തിക്കുന്ന മോഡലുകളും ലഭ്യമാണ്.

സാധാരണ വാട്ടർ ടാങ്കിൻ്റെ ഔട്ട് ലെറ്റിലാണ് ഇത്തരം പമ്പുകൾ ഫിറ്റ് ചെയ്യുന്നത്..  



പ്രഷറില്ലായ്മ മൂലം വലയുന്ന ഏവർക്കും ഈ ബൂസ്റ്റർ പമ്പ് ഒരു ഉപകാരിയാണ്.

ഒരിക്കൽ ഉപയോഗിച്ചാൽ പിന്നെ ഇതില്ലാതെ പറ്റില്ല എന്നാകും കാര്യങ്ങൾ...പ്രഷർ പമ്പ് ഫിറ്റു ചെയ്യുന്നതിന്നു മുൻപു വീട്ടിലെ P V C പൈപ്പിന്റെ കപ്പാസിറ്റി കൂടി ,ഒന്ന് ചെക്ക് ചെയ്യണം..ഇത്രയും പ്രഷർ താങ്ങാത്ത ഉള്ളിത്തൊലി പോലുള്ള പൈപ്പുകൾ ചില കരാറ് പണിക്കാർ ഉപയോഗിക്കും..

അതിനാൽ സൂക്ഷിച്ചും കണ്ടും വാങ്ങുക. ഇതുപോലുള്ള  പ്രലോഭനങ്ങളിൽ വീഴരുത്


 വാട്ടർ പ്രഷർ പമ്പിനെ ഒന്ന് പരിചയപ്പെടുത്തുക മാത്രമായിരുന്നു ഉദ്ദേശം .. കൂടുതൽ ടെക്നിക്കൽ വിവരങ്ങൾ ഇഷ്ടം പോലെ യൂ ട്യൂബിൽ ലഭ്യമാണ്. എഴുതിയത് #അജിത്_കളമശേരി,#ajith_kalamassery, 09.07.2023.