ടെലിവിഷൻ പാനൽ റീപ്ലേസിങ്ങ്

 ടെലിവിഷൻ പാനൽ റീപ്ലേസിങ്ങ്

 

 

 

 

 

 ടെക്നീഷ്യൻമാരേ നിങ്ങളുടെ പാനൽ സംബന്ധമായ ആവശ്യങ്ങൾക്ക് നേരിട്ട് ബന്ധപ്പെടൂ
ഒറിജിനൽ പാനൽ ഡയറക്റ്റ് ഡീലർ

ഫുജിക്കോൺ സെൻ്റർ എറണാകുളം

ടൊർണ്ണാഡോ ബർണ്ണർ ഗ്യാസ് സ്റ്റവ്

 ടൊർണ്ണാഡോ ബർണ്ണർ ഗ്യാസ് സ്റ്റവ്

 

 

 

 

 

 

 

ഏത് സ്റ്റോവാണ് വാങ്ങേണ്ടത്?

വീട്ടിൽ ഗ്യാസ് സ്റ്റോവ് വാങ്ങുമ്പോൾ മിക്കവാറും ശ്രദ്ധിക്കുക അതിന്റെ ബ്രാൻഡ്, വില അങ്ങിനെ പലതുമാണ്. ഇഷ്ടപ്പെട്ട് വാങ്ങുന്ന സ്റ്റോവിൽ ഏതുതരം ബർണർ ആണുള്ളതെന്ന് മിക്കവരും ശ്രദ്ധിക്കില്ല. എന്നാൽ അതാണ് ഏറ്റവും ശ്രദ്ധിക്കേണ്ടത് എന്നാണ് എന്റെ അഭിപ്രായം(അനുഭവവും).

ഇന്ന് പലതരത്തിലുള്ള ബർണറുകൾ മാർക്കറ്റിൽ ലഭിക്കുന്നുണ്ടെങ്കിലും സാധാരണക്കാർക്ക് വാങ്ങാവുന്ന സ്റ്റോവുകളിൽ പോലും ലഭ്യമായ ഏറ്റവും പുതിയ തരത്തിലുള്ള ബർണർ ആണ് ടൊർണാഡോ ബർണർ (Tornado burner). അൽപ്പം ചരിഞ്ഞ നീണ്ട അനേകം ചാനലുകളിലൂടെ ഗ്യാസ് കടന്നുവന്ന് കത്തുന്നതുകൊണ്ട് അതിന്റെ തീയ് ഒരു ചെറിയ 'ടൊർണാഡോ'(ചുഴലി) പോലെ ചുറ്റിക്കറങ്ങിയാണ് കത്തുക.

ഇതിന്റെ ഡിസൈനർമാർ അവകാശപ്പെടുന്നത് അതിന് മറ്റു ബർണറുകളെക്കാൾ പത്ത്‌ - പതിനെട്ട് ശതമാനം കുറവ് ഗ്യാസ് മാത്രമേ ചിലവാകുകയുള്ളൂ എന്നും, മറ്റുള്ള ബർണറുകളെക്കാൾ കൂടിയ heat transfer efficiency ഉണ്ടെന്നുമാണ്. അതായത് സാധാരണ ബർണറുകൾക്ക് 62% ഉള്ളപ്പോൾ ഇതിന് 78 % ഉണ്ടെന്നാണ്.

ഗ്യാസ് ഉപയോഗിക്കാൻ തുടങ്ങിയ നാല്പത്തിരണ്ട്‍ വർഷങ്ങളിൽ ഉപയോഗിച്ച എല്ലാ സ്റ്റോവുകളേക്കാൾ എനിക്ക് ഇതിന്റെ ബർണറുകൾ വല്ലാതെ ഇഷ്ടപ്പെട്ടു. പീസോ ഇഗ്നിഷൻ ഉള്ളതുകൊണ്ട് ഗ്യാസ് ലൈറ്റർ അന്വേഷിച്ചു നടക്കുകയും വേണ്ട. പല നല്ല കമ്പനികളും ഇന്ന് ടൊർണാഡോ ബർണറുകൾ ഉള്ള സ്റ്റോവുകൾ ഇറക്കുന്നുണ്ട്. ഇനി സ്റ്റോവ് മാറുമ്പോൾ, ഏതു കമ്പനിയുടെ വാങ്ങിയാലും, അതിൽ ടൊർണാഡോ ബർണർ ആണോയെന്ന് ശ്രദ്ധിക്കുന്നത് നന്നായിരിക്കും

 

.Original post by Prasad

https://www.facebook.com/share/v/1658pA5qm1/

 

 

 

ഫോൺ അടിച്ച് പോയി ഗയ്സ്!

 ഫോൺ അടിച്ച് പോയി ഗയ്സ്!

 

 

 

 

16.01.2025 Ernakulam

സോഫ്റ്റ് വെയർ അപ്ഡേറ്റ് ചെയ്തപ്പോൾ വൺ പ്ലസ് ഫോണിൽ ഗ്രീൻ ലൈൻ വന്നു. കമ്പനി സർവ്വീസ് സെൻ്ററിൽ എത്തി പരാതി പറഞ്ഞിട്ടും അവർ ശരിയാക്കി കൊടുത്തില്ല. ഭൂരിപക്ഷം പേരും എന്ത് ചെയ്യും? രണ്ട് ചീത്ത സർവ്വീസ് സെൻ്ററുകാരെയും, ഫോൺ വിറ്റ കടകളേയും പറഞ്ഞ ശേഷം പുതിയ ഫോൺ മേടിക്കും!

പക്ഷേ എറണാകുളം സ്വദേശിയായ ഹരി അങ്ങനെയല്ല ചെയ്തത്. ഇതിനെതിരേ ഉപഭോക്തൃ കോടതിയിൽ കേസു കൊടുത്തു.

ആറ് മാസം കാത്തിരുന്നാലെന്താ ഫോണിൻ്റെ വിലയായ 43999 രൂപയും പുറമേ ഉണ്ടായ മാനസിക ബുദ്ധിമുട്ടിനും ,കഷ്ടനഷ്ടങ്ങൾക്കും പരിഹാരമായി 35000 രൂപയും നൽകാൻ വിധിയായി.

ഹർജി പരിഗണിച്ച പ്രസിഡന്റ് ഡി.ബി.ബിനു, വി.രാമചന്ദ്രൻ, ടി.എൻ ശ്രീവി ദ്യ എന്നിവരടങ്ങിയ ജില്ലാ ഉപ ഭോക്തൃ തർക്ക പരിഹാര കോടതിയാണ് ഈ ഉത്തരവ് നൽകിയത്.

കറണ്ട് കള്ളൻ സർക്യൂട്ട്

 കറണ്ട് കള്ളൻ സർക്യൂട്ട്

 

 

ലോകത്തിലെ ഏറ്റവും പ്രശസ്തമായ ഹോബീ സർക്യൂട്ടുകളിൽ ഒന്നായ കറണ്ട് കള്ളൻ സർക്യൂട്ടിന് ( ജൂൾ തീഫ് ) 25 വയസ്.

ഉപയോഗ ശൂന്യമായ ബാറ്ററികൾ ഉപയോഗിച്ച് വീണ്ടും പ്രയോജനപ്പെടുന്ന എന്തെങ്കിലും ചെയ്യാൻ സാധിക്കുമോയെന്ന ഒരു ടെക്നീഷ്യൻ്റെ നിരന്തര അന്വോഷണത്തിൻ്റെ ഉൽപ്പന്നമാണ് ഈ കറണ്ട് കള്ളൻ സർക്യൂട്ട്.

എവിടെ നിന്നും ഒന്നും കട്ടെടുക്കുന്നില്ല. പഴയ ബാറ്ററികളിൽ അവശേഷിക്കുന്ന ഊർജ്ജം ഊറ്റിയെടുക്കുന്നതേയുള്ളൂ എന്നതിനാൽ

കറണ്ട് കള്ളൻ (ജൂൾ തീഫ് )എന്ന പേര് ഈ സർക്യൂട്ടിന് അത്ര യോജിക്കുന്നില്ല എങ്കിലും ലോകമാകമാനം പ്രയോഗിച്ച് വരുന്നതിനാൽ നമ്മളായിട്ട് ഇനി മാറ്റമൊന്നും വരുത്തുന്നില്ല.

തുടക്കക്കാർക്ക് ഈ സർക്യൂട്ടിലെ ടൊറോയിഡ് കോർ വൈൻഡിങ്ങ് അൽപ്പം ബുദ്ധിമുട്ടായി തോന്നിയേക്കാമെങ്കിലും ഒന്ന് രണ്ട് പ്രാവശ്യം ശ്രമിച്ചാൽ പിന്നെ വളരെ ഈസിയായിരിക്കും.

വെറും 1.5 വോൾട്ട് കൊടുത്താൽ അനുയോജ്യമായ വൈൻഡിങ്ങും, ട്രാൻസിസ്റ്ററുകളും ഉപയോഗിച്ചാൽ 300 മടങ്ങ് ഇരട്ടി വോൾട്ടേജ് വരെ വളരെ സിമ്പിളായി ഈ കറണ്ട് കള്ളൻ സർക്യൂട്ട് നൽകും. 1.5 വോൾട്ട് കൊടുത്ത് 1531 വോൾട്ട് ഉൽപ്പാദിപ്പിച്ചതാണ് ജൂൾ തീഫ് സർക്യൂട്ടിൻ്റെ ലോക റിക്കോർഡ്.

നമ്മൾ ഇവിടെ ഉണ്ടാക്കുന്ന സർക്യൂട്ട് ഉപയോഗിച്ച് അത്ര ഉയർന്ന വോൾട്ടേജൊന്നും കിട്ടില്ല കേട്ടോ.മാക്സിമം ഒരു 25 വോൾട്ടൊക്കെ ലഭിച്ചേക്കാം.

LED ലോഡ് കൊടുക്കാതെ സർക്യൂട്ട് ഓൺ ചെയ്താൽ ട്രാൻസിസ്റ്റർ ചീത്തയായി പോകാൻ സാദ്ധ്യതയുണ്ട് എന്ന കാര്യം ഓർമ്മയിൽ വയ്ക്കണം.

1999 നവംബർ മാസം പുറത്തിറങ്ങിയ എവരിഡേ പ്രാക്റ്റിക്കൽ ഇലക്ട്രോണിക്സ് മാഗസിൻ എന്ന പ്രസിദ്ധീകരണത്തിലെ ഹോബി സർക്യൂട്ട് സെക്ഷനിൽ Z. Kaparnik എന്ന ഹോബിയിസ്റ്റാണ് ഈ സർക്യൂട്ട് ഡിസൈൻ ചെയ്ത് പ്രസിദ്ധീകരിച്ചത്.

പിന്നീട് നൂറു കണക്കിന് വ്യത്യസ്ത സർക്യൂട്ടുകൾ ഈ സർക്യൂട്ട് ബേസ് ചെയ്ത് ഡിസൈൻ ചെയ്യപ്പെട്ടു.

ഒരു 1.5 വോൾട്ട് സെൽ ഉപയോഗിച്ച് ഏതാണ്ട് ഒരു വർഷം വരെ ഒരു LED തെളിക്കാൻ ഈ സർക്യൂട്ടിന് കഴിയും. ഉയർന്ന വോൾട്ടേജ് ലഭിക്കുമെങ്കിലും 30 മില്ലി ആമ്പിയറിൽ കൂടുതൽ കറണ്ട് നൽകാൻ ഈ സർക്യൂട്ടിന് കെൽപ്പില്ല.അതിനാൽ മോട്ടോർ പോലുള്ളവ ഈ സർക്യൂട്ടിൽ ഓടില്ല.

സിലിക്കോൺ ട്രാൻസിസ്റ്ററിൻ്റെ ബേസ് കണ്ടക്ഷന് വേണ്ട മിനിമം വോൾട്ടേജായ 0.6 ബാറ്ററിയിൽ ഉണ്ടെങ്കിൽ ഈ സർക്യൂട്ട് പ്രവർത്തിക്കും.പ്രത്യേക തരം മോസ് ഫെറ്റുകൾ ഉപയോഗിച്ചാൽ 0.1 വോൾട്ടിൽ പോലും ജൂൾ തീഫ് സർക്യൂട്ട് പ്രവർത്തിക്കുന്നുണ്ട്.

കീഹോൾ ഫൈൻഡർ ,ഒറ്റ സെൽ ടോർച്ച്, സൈക്കിൾ ഹസാർഡ് ലൈറ്റ്, സോളാർ പവേർഡ് ഫ്ലാഷർ, ഹീറ്റ് എനർജി വൈദ്യുതിയാക്കുന്ന പെൽട്ടിയർ മോഡ്യൂളിനൊപ്പം, കാറ്റിൻ്റെ ഗതിയും, ശക്തിയും അളക്കുന്ന സെൻസറായി എന്നിങ്ങനെ വിവിധങ്ങളായ ധാരാളം ഉപയോഗങ്ങൾക്കായി ഈ ജൂൾ തീഫ് സർക്യൂട്ട് ഉപയോഗിക്കുന്നു.

ഹൈവേകളിലൂടെ പോകുമ്പോൾ അപകട മേഖലകളിൽ രാത്രി നേരം ഡ്രൈവർമാരുടെ ശ്രദ്ധ വേഗം ആകർഷിക്കുന്നതിനായി നിരത്തിൽ അടിച്ചുറപ്പിച്ചിരിക്കുന്ന സോളാർ പവേർഡ് LED ബ്ലിങ്കറുകൾ കണ്ടിട്ടില്ലേ ഇവയിൽ ജൂൾ തീഫ് സർക്യൂട്ട് ഉപയോഗിക്കുന്നുണ്ട്.

സർക്യൂട്ട് നോക്കുക വളരെ ലളിതമാണിത്. ഉപയോഗ ശൂന്യമായ ഇലക്ട്രോണിക് ചോക്ക്, SMPS എന്നിവയിൽ നിന്നും ഒരു ടോറോയിഡ് അഴിച്ചെടുക്കുക.

 

 

 

 

അതിലേക്ക് ഒരു മീറ്റർ ഹുക്കപ്പ് വയർ അല്ലെങ്കിൽ 27 SWG ഇൻസുലേറ്റഡ് കോപ്പർ വയർ എടുത്ത് രണ്ടായി ഒപ്പം മടക്കി 20 ചുറ്റുകൾ ചുറ്റുക.

എളുപ്പത്തിന് വേണ്ടി രണ്ട് കളർ വയറുകൾ അര മീറ്റർ വീതം എടുക്കാം.

സർക്യൂട്ട് നോക്കുക, ചുവന്ന ഡോട്ട് വയറിൻ്റെ തുടക്കവും കറുത്ത ഡോട്ട് എൻഡും സൂചിപ്പിക്കുന്നു.

A എന്ന് രേഖപ്പെടുത്തിയിരിക്കുന്ന പ്രൈമറി സെക്ഷൻ ചുവന്ന വയറും B എന്ന സെക്കൻഡറിയിലെ പച്ച വയറും ശ്രദ്ധിക്കുക .

ചുവന്ന വയറിൻ്റെ സ്റ്റാർട്ടും, പച്ച വയറിൻ്റെ എൻഡും തമ്മിൽ കൂട്ടി പിരിച്ച് അവിടെ ബാറ്ററിയുടെ പോസിറ്റീവ് കൊടുക്കണം.

ചുവന്ന വയറിൻ്റെ എൻഡിൽ ഒരു 1 K റസിസ്റ്റർ കൊടുത്ത് BC 547 ട്രാൻസിസ്റ്ററിൻ്റെ ബേസിൽ കൊടുക്കുക. പച്ച വയറിൻ്റെ സ്റ്റാർട്ട് ട്രാൻസിസ്റ്ററിൻ്റെ കളക്റ്ററിൽ കൊടുക്കണം.

LED ട്രാൻസിസ്റ്ററിൻ്റെ കളക്റ്ററും, എമിറ്ററും തമ്മിൽ സോൾഡർ ചെയ്യുക.

LED ക്ക് സീരീസ് റസിസ്റ്റർ ആവശ്യമില്ല. വർക്കിങ്ങ് വോൾട്ടേജ് 3.2 ആയ നീല, വെള്ള LED കൾ 0.6 വോൾട്ടേജ് മാത്രമുള്ള ഉപയോഗശൂന്യമായ ബാറ്ററിയിൽ പോലും സുഗമമായി പ്രകാശിക്കും.

1.5 വോൾട്ട് റിമോട്ട് ബാറ്ററിയിൽ ആറ് മാസത്തിലധികം പ്രകാശത്തിൽ കാര്യമായ കുറവില്ലാതെ തുടർച്ചയായി ഈ സർക്യൂട്ട് ഞാൻ പ്രവർത്തിപ്പിച്ച് പരീക്ഷിച്ചിട്ടുണ്ട്..

ടോറോയിഡിൻ്റെ കാര്യത്തിൽ പ്രത്യേക തരം തന്നെ വേണമെന്നില്ല. നിങ്ങളുടെ കൈവശം ലഭ്യമായതുപയോഗിക്കാം.

ഞാൻ പഴയ കമ്പ്യൂട്ടർ SMPS ൽ നിന്നൂരിയ ടോറോയിഡാണു പയോഗിച്ചത്... പഴയ CFL ചോക്കിൽ നിന്നും. ഊരിയെടുത്ത ചെറിയ തരവും ഉപയോഗിച്ചു സക്സസായി..

ചെറിയ കോറുകൾ ഉപയോഗിക്കുമ്പോൾ വണ്ണം കുറഞ്ഞ കോപ്പർ വയർ കൂടുതൽ ചുറ്റുകൾ വേണ്ടിവരും. 30 SWG ഇൻസുലേറ്റഡ് കോപ്പർ വയർ 50 ടേൺസ് വീതം ഉപയോഗിച്ചാണ് CFL ടോറോയിഡ് വൈൻഡ് ചെയ്തത്.

ഒരു പഴയ 12 വോൾട്ട് 5 A ട്രാൻസ്ഫോർമർ. സെക്കൻഡറി പൊളിച്ചെടുത്ത ചെമ്പുകമ്പി ഉപയോഗിച്ചാണ് SMPS ൽ നിന്നെടുത്ത ടോറോയിഡ് വൈൻഡ് ചെയ്തെടുത്തത്.

വണ്ണം കൂടിയ കോപ്പർ വയർ ഉപയോഗിക്കുമ്പോൾ ടേൺസ് എണ്ണം 10+10 ഒക്കെ മതിയാകും.

നിങ്ങളുടെ കൈവശമുള്ള BC 546,BC 547, BC 548,2N 2222,2N 3904ഏത് ജനറൽ പർപ്പസ് NPN ട്രാൻസിസ്റ്റർ വേണമെങ്കിലും ഈ സർക്യൂട്ടിൽ ഉപയോഗിക്കാം..ഒരു ചെറിയ കോമൺPCB യിൽ ഈ സർക്യൂട്ട് അസംബിൾ ചെയ്യാം

സമയം കിട്ടുമ്പോൾ ഒന്ന് പരീക്ഷിച്ച് നോക്കൂ..രസകരമായിരിക്കും

ഒരിക്കൽ പ്രകാശിച്ച് കഴിഞ്ഞാൽ 0.6 വോൾട്ടിലും താഴെ ബാറ്ററി വോൾട്ട് കുറഞ്ഞാലും ഈ സർക്യൂട്ട് പ്രവർത്തിച്ചുകൊണ്ടിരിക്കും എന്ന വിശദീകരിക്കാനാകാത്ത ശാസ്ത്ര തത്വവും ഈ സർക്യൂട്ടിനുള്ളിൽ ഒളിഞ്ഞിരിക്കുന്നു.

ഞാനുണ്ടാക്കിയ കറണ്ട് കള്ളൻ 0.49 വോൾട്ട് മാത്രമുള്ള ബാറ്ററിയിൽ നിന്നും നീല LED പ്രകാശിപ്പിക്കുന്നത് ചിത്രത്തിൽ കാണാം!

.Ajith Kalamassery 12.10.2024

ഓർമ്മക്കുറിപ്പുകൾ

 ഓർമ്മക്കുറിപ്പുകൾ

 

1980 കാലഘട്ടത്തിൽ ഏതാണ് 35- 40 വർഷം മുമ്പ്  കേരളത്തിലെ ഇലക്ട്രിസിറ്റി യുടെ ഈറ്റില്ലം ആയ ഇടുക്കി ജില്ലയിലെ ചേലച്ചുവടു, കഞ്ഞി ക്കുഴി, മുരുക്കാശേരി തുടങ്ങിയ പ്രദേശങ്ങളിൽ ഇലക്ട്രിസിറ്റി ഇല്ലാത്തതു കൊണ്ട്  6 voltil work ചെയ്യുന്ന ഒരു soldering iron വാങ്ങി  12 volt 60 ah
2  ഓട്ടോമൊബൈൽ ബാറ്ററിയും മേടിച്ചു  വെച്ച്  അതിൽ 6 volt ടെർമിനലിൽ  soldering iron connect ചെയ്തു ഒരു ദിവസ്സം iron ആവശ്യത്തിന് മാത്രം ഓൺ ചെയ്തത് 6 volt ഡൗൺ ആകുമ്പോൾ അടുത്ത 6 volt സൈഡിൽ കൊടുത്ത്  2,3 ദിവസ്സം ഒരു ബാറ്ററി ഉപയോഗിക്കും. അടുത്ത ബാറ്ററി ചാർജ് ചെയ്യാൻ 20,25 കിലോ മീറ്റർ ദൂരെ ബാറ്ററി ചാർജ്ജിംഗ് ഉളളടുത്ത് കൊടുത്തിട്ടുണ്ടാകും.അതു കിട്ടിയാൽ മാത്രമേ പണി നടക്കൂ.


1980 മുതൽക്ക് തന്നെ ബാംഗ്ലൂർ കണക്ഷൻ ഉണ്ടായിരുന്നതിനാൽ  ഇലക്ടർ മാസികയിൽ പരസ്യം കണ്ട ഉടൻ തന്നെ ഇത്തരമൊരെണ്ണം വാങ്ങാനായി.


അന്ന് വാങ്ങിയ അയേൺ കവർ ഉൾപ്പടെ സൂക്ഷിച്ചിരുന്നത് ഇന്ന് ഒരു പഴയ പെട്ടിയിൽ നിന്നും കിട്ടി.
അതിൻ്റെ ഫോട്ടോയാണ് ഇതോടൊപ്പം.

ഇന്നത്തെ യുവതലമുറയിലെ  ഭൂരിഭാഗം പേരും ഇത്തരം 6 Volt സോൾഡറിങ്ങ് അയേൺ കണ്ടിട്ടുപോലുമുണ്ടാവില്ല.

ഒരു സീനിയർ ടെക്നീഷ്യനായ അരവിന്ദാക്ഷൻ സാറിൻ്റെ ഓർമ്മക്കുറിപ്പുകൾ പകർത്തിയത്.29.09.2024

 

25 വാട്ടിൻ്റെ ഹൈ പവർ ക്ലാസ് A

               25 വാട്ടിൻ്റെ ഹൈ പവർ ക്ലാസ് A

 

 

കഴിഞ്ഞ ദിവസം ഗ്രൂപ്പിലിട്ട സിംഗിൾ എൻഡ് ക്ലാസ് A മോസ് ഫെറ്റ് ആംപ്ലിഫയറിലും പവർ കൂടിയ ഒരു സർക്യൂട്ട് ഇടാമോ എന്ന് ധാരാളം പേർ ആവശ്യപ്പെട്ടിരുന്നു. ഇതാ 25 വാട്ടിൻ്റെ ഹൈ പവർ ക്ലാസ് A അതും വില കുറഞ്ഞു TIP 3055 ട്രാൻസിസ്റ്റർ ഉപയോഗിച്ച്.

ഈ സൂപ്പർ സിമ്പിൾ സർക്യൂട്ട് അസംബിൾ ചെയ്ത് നോക്കൂ.. ട്രാൻസ് ഫോർമർ X 1 എന്നത് പഴയ 300 VA കമ്പ്യൂട്ടർ UPS ൻ്റെ പവർ ട്രാൻസ്ഫോർമറാണ്. അതിൻ്റെ 230 വോൾട്ട് സൈഡ് മാത്രം ഉപയോഗിക്കുക.. രണ്ടിലധികം വയറുകൾ കാണപ്പെടുന്നുണ്ടെങ്കിൽ അതിൽ മൾട്ടി മീറ്റർ വച്ച് നോക്കിയാൽ കൂടിയ റസിസ്റ്റൻസ് കാണിക്കുന്ന 2 വയറുകൾ നമ്മുടെ ആവശ്യത്തിന്ന് ഉപകരിക്കുന്നവയായിരിക്കും.

C5, C 7 എന്നിവ സർക്യൂട്ടിലെ ഹമ്മിങ്ങ് ,അനാവശ്യ ഓസിലേഷൻ മുതലായവ ഒഴിവാക്കുന്നതിനാണ്. Q1 BD 139 നും ഹിറ്റ് സിങ്ക് വേണം.

Q 2 വിൻ്റെ ബേസ് ബയാസ് 0.650 വോൾട്ടായി ക്രമ പ്പെടുത്തണം. ഇതിനായി P1 എന്ന 470 K പ്രീ സെറ്റ് പതിയെ തിരിച്ചാൽ മതി. മീറ്റർ കണക്റ്റ് ചെയ്ത് വച്ചിട്ട് വേണം പ്രീ സെറ്റ് അഡ്ജസ്റ്റ് ചെയ്യാൻ. സാമാന്യം തെറ്റില്ലാത്ത ഓഡിയോ ക്വാളിറ്റി ഈ സർക്യൂട്ടിനുണ്ട്. മുൻപ് പ്രസിദ്ധീകരിച്ച മോസ് ഫെറ്റ് ആമ്പിൻ്റെ ശബ്ദ ശുദ്ധി ഇതിന് പ്രതീക്ഷിക്കരുത്. ഉയർന്ന വോളിയത്തിൽ ഡിസ്ടോർഷൻ അനുഭവപ്പെടുന്നു എങ്കിൽ അത് നമ്മൾ ഉപയോഗിക്കുന്ന X 1 ട്രാൻസ്ഫോർമറിൻ്റെ പ്രശ്നമാണ്. ഇത് പരിഹരിക്കാൻ ബയാസ് വോൾട്ടേജ് ഏതാനും മില്ലി വോൾട്ട് കൂട്ടി നോക്കുക. ബയാസ് വോൾട്ടേജ് കൂടുന്തോറും ട്രാൻസിസ്റ്റർ അതിനനുസരണമായി ഹീറ്റാകും. നല്ല ഹീറ്റ് സിങ്കിൽ ട്രാൻസിസ്റ്റർ ഉറപ്പിക്കണം.

12 മുതൽ 50 വരെ വോൾട്ട് 5 ആമ്പിയർ DC നൽകാം. മോർ വോൾട്ട് മോർ വാട്ട്.

അപ്പോൾ ഹാപ്പി അസംബ്ലിങ്ങ്. ഓഡിയോ തൽപ്പരരായ ഹോബിയിസ്റ്റുകൾക്കായി കുറഞ്ഞ ചിലവിൽ ചെയ്തു നോക്കാനായി പ്രസിദ്ധീകരിക്കുന്ന സർക്യൂട്ടാണിത്. പ്രൊഫഷണൽ ക്വാളിറ്റിയൊന്നും പ്രതീക്ഷിക്കരുത്.

അൽപ്പം മിനക്കെട്ടാൽ ശബ്ദ ശുദ്ധി വരുത്താം.

അടുത്ത മാസം ഇറക്കുന്ന e ബുക്കിൽ ഈ സർക്യൂട്ടിൻ്റെ PCBഡിസൈനും, X 1 ട്രാൻസ്ഫോർമറിൻ്റെ വയൻ്റിങ്ങ് ഡീറ്റെയിൽസും ഉൾപ്പെടുത്തുന്നുണ്ട്.അജിത് കളമശ്ശേരി.